Գրադարան

Ցրված սկլերոզ. բուժում

Ցրված սկլերոզ. բուժում

Time Read 2 րոպե

Թեև ցրված սկլերոզի վերջնական բուժում գոյություն չունի, կան մեթոդներ, որոնք կարող են մեղմացնել ախտանիշները և դանդաղեցնել հիվանդության զարգացումը:

Ցրված սկլերոզի սրացման բուժումը

Ստերոիդային հակաբորբոքային դեղերը կարող են նվազեցնել ցրված սկլերոզի գրոհների սրությունը՝ մեղմացնելով բորբոքումը և իմունային համակարգի գերակտվությունը:

Ցրված սկլերոզի ախտանիշների բուժումը

Կան դեղեր, որոնք կարող են թուլացնել մկանային ջղաձգումները, մեղմացնել ցավերը, ընդհանուր հոգնածության զգացումը և ցրված սկլերոզի այլ ախտանիշները:

Կանոնավոր վարժանքները, ֆիզիոթերապիան և ոչ դեղորայքային բուժման այլ մեթոդները նույնպես կարող են օգնել հիվանդության գանգատների մեղմացմանը և ձեր շարժողական ակտիվության բարելավմանը: Կանոնավոր վարժանքները կարող են նպաստել մկանային ուժի վերականգնմանը, սրտի աշխատանքի կարգավորմանը և տրամադրության բարելավմանը:

Ձեզ օգուտ կարող է տալ նաև լավ հավասարակշռված, ճարպերից աղքատ և բջջանքով հարուստ սննդակարգը:

Ցրված սկլերոզի հարաճուն զարգացման բուժումը

Կան դեղերի հատուկ խմբեր (իմունամոդուլյատորներ և իմունասուպրեսորներ), որոնք ազդում են օրգանիզմի իմունային համակարգի վրա և որոշ չափով դանդաղեցնում ցրված սկլերոզի հարաճուն (պրոգրեսիվ) զարգացումը և նվազեցնում սրացումների հաճախականությունը: Սակայն, այս դեղերը չեն վերացնում արդեն զարգացած ախտանիշները և կարող են դրսևորել ուշադրության արժանի կողմնակի ազդեցություններ:

Զրուցեք ձեր բժշկի կամ այլ բժիշկ-մասնագետի հետ (նյարդաբան, իմունաբան), որ ընտրեք ձեր վիճակին առավել համապատասխանող դեղերի համակցությունը:

Հոդվածը տեղադրվել է՝ 15-05-2018 վերանայվել է՝ 12-05-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով