Ախտանիշներ - Նեյրոդերմիտ

Նեյրոդերմիտի ամենաբնորոշ ախտանիշը սաստիկ քոր առաջացնող մաշկային հաստացած բծերի առաջացումն է:

Նեյրոդերմիտի ախտանիշներից են՝

• քոր առաջացնող, թեփուկավոր մաշկային բիծ կամ բծեր
• բաց վերքեր, որոնք արյունահոսում են
• հաստացած կամ կոպտացած կաշվենման մաշկ
• սեռական շրջանի գունաթափված, կնճռոտված մաշկ
• մաշկից բարձրացված և կոպիտ բծեր, որոնք բորբոքված կամ ավելի մուգ են, քան մնացած մաշկը:

Մաշկաբորբն ընդգրկում է հատվածներ, որոնք քորելու համար հասանելի են՝ գլխամաշկ, պարանոց, դաստակներ, նախաբազուկներ, կոճեր, ամոթույք, ամորձապարկ և հետանցք: Քորը, հաճախ՝ տանջալի, կարող է սկսվել և անհետանալ կամ անընդհատ լինել: Դուք կարող եք քորել ձեր մաշկը սովորությունից դրդված և քնած ժամանակ:

Ե՞րբ դիմել բժշկին

Այցելեք ձեր բժշկին, եթե տնային միջոցները չեն օգնել երկու օրվա ընթացքում և՝

• պարզում եք,  որ անընդհատ քորում եք մաշկի նույն հատվածը
• քորը խանգարում է ձեզ քնել կամ կենտրոնանալ ձեր առօրյա գործերի վրա:

Անհապաղ դիմեք բուժօգնության, եթե ձեր մաշկը դարձել է ցավոտ կամ ունի վարակված տեսք և ջերմում եք: