Բուժում - Նեյրոդերմիտ

Նեյրոդերմիտի բուժումը կենտրոնանում է քորի վերահսկման, քերծվածքների կանխարգելման և հիմքում ընկած պատճառների վերացման վրա:

Նույնիսկ հաջող բուժման դեպքում վիճակը հաճախ կրկնվում է: Ձեր բժիշկը կարող է առաջարկել հետևյալ բուժումներից մեկը կամ մի քանիսը:

• Քորի դեմ նրբաքսուքներ (կրեմ). եթե ​​կորտիկոստերոիդային նրբաքսուքը չի օգնում, ձեր բժիշկը կարող է նշանակել ավելի ուժեղ կորտիկոստերոիդային կամ ոչ ստերոիդային հակաքորային միջոց կալցինեուրինի արգելակիչով, օրինակ՝ Տակրոլիմուս (Պրոտոպիկ) կամ Պիմեկրոլիմուս (Էլիդել): Կալցինեուրինի արգելակիչը կարող է օգտակար լինել զգայուն շրջաններում քորը թեթեևացնելու համար, ինչպիսիք են սեռական օրգանները:
• Կորտիկոստերոիդների ներարկումներ. ձեր բժիշկը կարող է կորտիկոստերոիդներ ներարկել անմիջապես ախտահարված մաշկի մեջ: Նման ներմաշկային ներարկումները կարող են օգնել մաշկի ապաքինմանը:
• Քորը թեթևացնող դեղորայք. նեյրոդերմիտով բազմաթիվ մարդկանց ուժեղ հակահիստամիններն օգնում են քորի թեթևացմանը: Այս դեղամիջոցներից որոշները կարող են առաջացնել քնկոտություն և օգնել քնած ժամանակ քորի կախարգելմանը:
• Անհանգստության դեմ դեղամիջոցներ. անհանգստությունն ու սթրեսը կարող են նպաստել նեյրոդերմիտին, ուստի հակատագնապային դեղամիջոցները կարող են օգնել քորի առաջացման կանխարգելմանը:
• Դեղորայքային սպեղանիներ. համառ քորի դեպքում ձեր բժիշկը կարող է առաջարկել, որ փորձեք լիդոկաինային կամ կապսաիցինային մաշկային սպեղանիներ:
• ՕնաբոտուլինումտոքսինA (բոտեքս) ներարկում. այս մեթոդը կարող է օգտակար լինել այն մարդկանց համար, ովքեր այլ բուժումներով հաջողության չեն հասել:
• Լուսային թերապիա (ֆոտոթերապիա). այս մեթոդը նույնպես կարող է առաջարկվել, եթե այլ բուժումները չեն օգնում: Ֆոտոթերապիայի ժամանակ ախտահարված մաշկը ենթրակվում է որոշակի ճառագայթների ազդեցությանը:
• Խոսքային թերապիա. խորհրդատուի հետ զրուցելը կարող է օգնել ձեզ հասկանալու, թե ինչպես ձեր հույզերն ու վարքագիծը կարող են խթանել կամ կանխել քորն ու քորելը: Ձեր խորհրդատուն կարող է առաջարկել, որ փորձեք որոշ վարքագծային մեթոդներ: