Ցավոտ սեռական հարաբերությունը կանանց մոտ (դիսպարեունիա)

Սեռական հարաբերության ժամանակ որոշակի ցավ կամ անհարմարություն (դիսկոմֆորտ) զգալը կանանց շրջանում բավականին տարածված խնդիր է։

Կնոջ մոտ ցավոտ սեռական հարաբերություն կարող է զարգանալ տարբեր պատճառներով՝ սկսած կառուցվածքային խնդիրներից մինչև հոգեբանական անհանգստություններ: Բազմաթիվ կանանց մոտ սեռական կյանքը խաթարող ցավը և մյուս տհաճ զգացողություններն ի հայտ են գալիս կյանքի նույն շրջաններում: Գանգատները կարելի է բաժանել երկու խմբի՝ «խոր» և «մակերեսային»։

Ցավոտ սեռական հարաբերության բժշկական տերմինը կոչվում է «դիսպարեունիա» և սահմանվում է որպես սեռական (գենիտալ) շրջանի կայուն կամ կրկնվող ցավեր, որոնք առաջանում են սեռական հարաբերությունից անմիջապես առաջ, ընթացքում կամ հետո:

Զրուցեք ձեր բժշկի հետ, եթե ձեր սեռական կյանքը ավելի շատ ցավ, քան թե հաճույք է պատճառում: Բուժումն ուղղված է ցավի և դիսկոմֆորտի պատճառի վերացմանը կամ կարող է օգնել այս տարածված խնդրի վերացմանը կամ մեղմացմանը:

Հոդվածը վերանայվել է՝ 08-04-2021