Ախտանիշներ - Կանանց մոտ ցավոտ սեքս

Եթե դուք ունեք ցավոտ սեռական հարաբերություն, կարող եք զգալ հետևյալ գանգատներն ու ախտանիշները։

• Ցավ միայն սեռական ներթափանցման ժամանակ (պենետրացիա)։
• Ցավ յուրաքանչյուր ներթափանցման ժամանակ, ներառյալ տամպոն դնելը։
• Խորը ցավ ներհրումների ժամանակ (ֆրիկցիա)։
• Այրվող ցավ կամ նվացող ցավ։
• Ցավ, որը շարունակվում է սեռական հարաբերությունից ժամեր անց։

Բժիշկները տարբերում են կանանց մոտ սեռական հարաբերությանն ուղեկցող մակերեսային և խոր ցավեր՝

• մակերեսային ցավերն առաջանում են, երբ առնանդամը դեռևս հեշտոցամուտքում է
• խոր ցավերն առաջանում են, երբ առնանդամը խոր (մինչև վերջ) ներթափանցել է հեշտոցի մեջ։

Ե՞րբ դիմել բժշկին

Եթե սեռական հարաբերությունների ժամանակ կրկնվող ցավեր եք ունենում, խոսեք ձեր բուժաշխատողի հետ: Խնդրի բուժումը կարող է օգնել ձեր սեռական կյանքին, ձեր հուզական մտերմությանը և ձեր ինքնագնահատականի բարելավմանը: