Ցավոտ սեռական հարաբերությունը կանանց մոտ. ախտանիշներ

Ցավոտ սեռական հարաբերությունը կանանց մոտ. ախտանիշներ

Բազմաթիվ կանայք նշում են սեռական հարաբերության սկզբում, ողջ ընթացքում կամ վերջում հեշտոցային ցավեր կամ անհարմարություն (դիսկոմֆորտ)։

Նման վիճակի բժշկական անվանումը դիսպարեունիա է և կարող է ուղեկցվել հետևյալ զգացողություններով՝

  • ցավ միայն սեռական ակտի՝ առնանդամի ներհրման ժամանակ (պենետրացիա)
  • ցավ ցանկացած պենետրացիայի ժամանակ, այդ թվում՝ հեշտոնի մեջ տամպոն ներդնելիս
  • խոր տեղակայված ցավեր ներհրումների (ֆրիկցիա) ընթացքում
  • այրող կամ նվացող ցավեր
  • պուլսացվող ցավեր, որոնք շարունակվում են սեռական ակտից հետո ժամեր շարունակ:

Տարբերում են կանանց սեռական հարաբերությանն ուղեկցող մակերեսային և խոր ցավեր՝

  • մակերեսային ցավերն առաջանում են, երբ առնանդամը դեռևս հեշտոցի նախադռան մեջ է և լիարժեք չի ներհրվել հեշտոցի մեջ
  • խոր ցավերն առաջանում են, երբ առնանդամը խոր (մինչև վերջ) ներհրված է հեշտոցի մեջ։

Ե՞րբ դիմել բժշկին

Եթե ունեք սեռական հարաբերություններին ուղեկցող կրկվող ցավեր, զրուցեք բժշկի հետ: Խնդրի բուժումը կարող է օգնել ձեր սեռական կյանքին, հուզական մտերմությանը և ինքնագնահատականի բարելավմանը:

Հոդվածը վերանայվել է՝ 28-03-2021