Վաղաժամ սերմնաժայթքումը տղամարդկանց մոտ հանդիպող խնդիր է, երբ սեռական հարաբերության ժամանակ սերմնաժայթքումը (էյակուլյացիա)՝ օրգանիզմից սերմնահեղուկի արտանետումը տեղի է ունենում ցանկալիից ավելի շուտ:
Վաղաժամ սերմնաժայթքումը տարածված սեռական գանգատ է: Երեք տղամարդուց մեկը նշում է, որ ինչ-որ ժամանակ առնչվել է այս խնդրի հետ:
Վաղաժամ սերմնաժայթքումն անհանգստության առիթ չէ, քանի դեռ հաճախ չի լինում: Բայց ձեզ մոտ կարող է ախտորոշվել վաղաժամ սերմնաժայթքում, եթե՝
- միշտ կամ գրեթե միշտ սերմնաժայթքում եք առնանդամի ներհրումից (թափանցումից) հետո 1-3 րոպեի ընթացքում
- միշտ կամ գրեթե միշտ չեք կարողանում սեռական հարաբերության ընթացքում հետաձգել սերմնաժայթքումը
- անհանգստացած և հիասթափված եք, որի հետևանքով հակված եք հրաժարվելու կամ խուսափելու սեռական մտերմությունից:
Վաղաժամ սերմնաժայթքումը բուժելի վիճակ է։ Դեղորայքը, խորհրդատվությունը և սերմնաժայթքումը հետաձգող մեթոդները կարող են օգնել բարելավելու սեռական հարաբերությունները ինչպես ձեզ, այնպես էլ ձեր զուգընկերոջ համար:
Հոդվածը հրապարակվել է՝ 07-04-2018
Վերջին վերանայում՝ 23-04-2024