Վաղաժամ սերմնաժայթքումը կարող է խնդիրներ առաջացնել ձեր անձնական կյանքում:
Դրանք կարող են ներառել հետևյալը՝
- Սթրես և փոխհարաբերությունների հետ կապված խնդիրներ. վաղաժամ սերմնաժայթքման ընդհանուր բարդությունը փոխհարաբերությունների՝ միջանձնային սթրեսն է: Վաղաժամ սերմնաժայթքման պատճառով ստեղծված մշտական խնդիրները կարող են բերել զույգերի մեջ հակասությունների առաջացման՝ հետագայում պատճառ դառնալով այլ սեռական խնդիրների գումարմանը՝ էրեկցիայի հետ կապված, օրգազմի խանգարում և այլն:
- Տղամարդու սեռական ցանկության իջեցում և էրեկտիլ դիսֆունկցիա. որոշ տղամարդկանց մոտ վաղաժամ սերմնաժայթքման հաճախակի կամ մշտական դրվագները հանգեցնում են սեռական հարաբերությունից խուսափելուն և էրեկցիայի հետ կապված խնդիրներին:
- Պտղաբերության խնդիրներ. վաղաժամ սերմնաժայթքումը երբեմն կարող է դժվարացնել զուգընկերոջ հղիանալը: Դա կարող է տեղի ունենալ, եթե սերմնաժայթքումը հեշտոցում տեղի չունենա:
- Զուգընկերոջ մոտ սեռական կյանքի խաթարում. այն կանայք, որոնք հաճախակի հիասթափություններ են ապրում և դժգոհ են զուգընկերոջ վաղաժամ սերմնաժայթքման պատճառով, կարող են կորցնել սեռական կյանքի նկատմամբ հետաքրքրությունը և ավելի անտարբեր դառնալ ֆիզիկական կամ հոգեբանական խթանիչներից:
Հոդվածը հրապարակվել է՝ 27-03-2021
Վերջին վերանայում՝ 23-04-2024