Գրադարան
Վաղաժամ սերմնաժայթքում. ախտանիշներ
1 րոպե
Վաղաժամ սերմնաժայթքման հիմնական ախտանիշն առնանդամի ներթափանցումից (պենետրացիայից) հետո երեք րոպեից ավելի սերմնաժայթքումը հետաձգելու անկարողությունն է։
Սակայն դա կարող է առաջանալ բոլոր սեռական իրավիճակներում, նույնիսկ ձեռնաշարժության (մաստուրբացիայի) ժամանակ:
Վաղաժամ սերմնաժայթքումը կարելի է դասակարգել հետևյալ կերպ`
- ողջ կյանքի ընթացքում (առաջնային). վաղաժամ սերմնաժայթքումը տեղի է ունենում միշտ կամ գրեթե միշտ՝ սկսած առաջին սեռական հարաբերությունից
- ձեռք բերովի (երկրորդային). զարգանում է նախկինում վաղաժամ սերմնաժայթքման խնդիր չնշող տղամարդկանց մոտ:
Բազմաթիվ տղամարդիկ կարծում են, որ ունեն վաղաժամ սերմնաժայթքման ախտանիշներ, սակայն այդ ախտանշանները չեն համապատասխանում ախտորոշման չափանիշներին: Ժամանակ առ ժամանակ վաղ սերմնաժայթքման դրվագները սովորական երևույթ է:
Ե՞րբ այցելել բժշկին
Զրուցեք ձեր բժշկի հետ, եթե սեռական հարաբերությունների մեծամասնության ժամանակ սերմնաժայթքում եք ավելի շուտ, քան ցանկանում եք: Մարդիկ սովորաբար ամաչում են սեռական առողջության հետ կապված խնդիրները քննարկելուց: Սակայն, թույլ մի տվեք, որ դա խանգարի ձեզ՝ բժշկին ձեր խնդիրները ներկայացնելուց: Հիշեք, որ վաղաժամ սերմնաժայթքումը տարածված խնդիր է, որը կարելի է բուժել:
Բժշկի հետ զրույցը կարող է օգնել, որ ձեր մտահոգությունները նվազեն: Օրինակ, ձեզ կարող է հանգստացնել այն փաստը, որ ժամանակ առ ժամանակ վաղաժամ սերմնաժայթքելը սովորական երևույթ է: Նույն կերպ, ձեր ավելորդ անհանգստությունը կարող է փարատվել՝ իմանալով, որ սեռական հարաբերության սկզբից մինչև սերմնաժայթքման միջին ժամանակը մոտ հինգ րոպե է:
Հոդվածը տեղադրվել է՝ 27-03-2021 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
