Շագանակագեղձի քաղցկեղ. պատճառներ

2 րոպե

Պարզ չէ, թե ինչն է առաջացնում շագանակագեղձի քաղցկեղ:

Բժիշկները գիտեն, որ շագանակագեղձի քաղցկեղը սկսվում է այն ժամանակ, երբ այս գեղձի բջիջներում զարգացնում են ԴՆԹ-ի փոփոխությունները: Բջջի ԴՆԹ-ն պարունակում է հրահանգներ, որոնք բջջին ասում են, թե ինչ անել: Փոփոխությունները հրահանգում են բջիջներին, որ աճեն և բաժանվեն ավելի արագ, քան նորմալ բջիջները: Քաղցկեղային բջիջները շարունակում են ապրել, երբ մյուս՝ նորմալ բջիջները մահանում են:

Կուտակվող ոչ նորմալ բջիջները ձևավորում են ուռուցք, որը կարող է մեծանալ՝ ներաճելով մոտակա հյուսվածք: Ժամանակի ընթացքում որոշ քաղցկեղային բջիջներ կարող են պոկվել և տարածվել (մետաստազներ առաջացնել) մարմնի այլ շրջաններ:

Ռիսկի գործոններ

Գործոնները, որոնք կարող են մեծացնել շագանակագեղձի քաղցկեղի ռիսկը, ներառում են հետևյալը:

• Ավելի մեծ տարիք. շագանակագեղձի քաղցկեղի ռիսկը մեծանում է տարիքի հետ: Այն առավել հաճախ հանդիպում է 50 տարեկանից հետո:
  
• Ռասա. դեռևս չպարզված պատճառներով սևամորթները շագանակագեղձի քաղցկեղի ավելի մեծ ռիսկ ունեն, քան այլ ռասաների մարդիկ: Սևամորթ մարդկանց մոտ շագանակագեղձի քաղցկեղը նաև ավելի հավանական է, որ լինի ագրեսիվ կամ զարգացած:
• Ընտանեկան պատմություն (անամնեզ). եթե արյունակից հարազատներից մեկի, օրինակ՝ հոր, եղբոր կամ երեխայի մոտ ախտորոշվել է շագանակագեղձի քաղցկեղ, ձեր ռիսկը կարող է մեծանալ: Բացի այդ, եթե ունեք գեների ընտանեկան պատմություն, որոնք մեծացնում են կրծքագեղձի քաղցկեղի ռիսկը (BRCA1 կամ BRCA2) կամ կրծքագեղձի քաղցկեղի շատ ուժեղ ընտանեկան պատմություն, շագանակագեղձի քաղցկեղի ձեր ռիսկը կարող է ավելի բարձր լինել:
  
• Գիրություն. գիրություն ունեցող մարդիկ կարող են շագանակագեղձի քաղցկեղի ավելի բարձր ռիսկ ունենալ՝ համեմատած այն մարդկանց հետ, ովքեր համարվում են առողջ քաշ ունեցող մարդիկ, թեև ուսումնասիրությունները տարբեր արդյունքներ են տվել: Գեր մարդկանց մոտ նաև քաղցկեղը կարող է ավելի ագրեսիվ լինել և ավելի մեծ հավանականությամբ սկզբնական բուժումից հետո կրկնվել: