Շագանակագեղձի քաղցկեղը չարորակ նորագոյացության տեսակ է, որը սկսվում է շագանակագեղձից:
Շագանակագեղձը տղամարդկանց մոտ ընկույզաձև փոքրիկ գեղձ է, որը գտնվում է առնանդամի և միզապարկի միջև և արտադրում է սերմնահեղուկ: Սերմնահեղուկը սնուցում և տեղափոխում է սպերմատոզոիդները:
Շագանակագեղձի քաղցկեղը քաղցկեղի ամենատարածված տեսակներից մեկն է: Շագանակագեղձի քաղցկեղի շատ տեսակներ դանդաղ են աճում և սահմանափակվում են շագանակագեղձով, որտեղ դրանք կարող են լուրջ վնաս չպատճառել: Այնուամենայնիվ, չնայած շագանակագեղձի քաղցկեղի որոշ տեսակներ դանդաղ են աճում և կարող են նվազագույն բուժման կարիք ունենալ կամ բուժման կարիք չունենալ, մյուս տեսակները ագրեսիվ են և կարող են արագ տարածվել:
Վաղ գանգատներն ու ախտանիշները կարող են նմանվել շագանակագեղձի ադենոմայի նշաններին, և ձեր բժիշկը ձեր շագանակագեղձի քաղցկեղը հաստատելու կամ ժխտելու համար կարող է առաջարկել որոշ հետազոտություններ: Շագանակագեղձի քաղցկեղը, որը հայտնաբերվում է վաղ, երբ այն դեռ սահմանափակված է շագանակագեղձով, ունի հաջող բուժման լավագույն հնարավորությունը:
Հոդվածը հրապարակվել է՝ 15-04-2018
Վերջին վերանայում՝ 05-04-2024