Skip to main content

Պատճառներ - Փսորիազ

Ենթադրվում է, որ փսորիազն իմունային համակարգի խնդիր է, որի պատճառով մաշկի բջիջները սովորականից ավելի արագ են աճում:

Փսորիազի ամենատարածված տեսակի դեպքում, որը հայտնի է որպես վահանիկային (վուլգար) փսորիազ կամ թեփատու որքին, բջիջների այս արագ նորացումը հանգեցնում է չոր, թեփուկավոր բծերի:

Փսորիազի պատճառը լիովին պարզված չէ: Ենթադրվում է, որ դա իմունային համակարգի խնդիր է, երբ վարակի դեմ պայքարող բջիջները, մասնավորապես, արյան սպիտակ բջիջները (T լիմֆոցիտներ և նեյտրոֆիլներ) սխալմամբ հարձակվում են մաշկի առողջ բջիջների վրա: Հետազոտողները կարծում են, որ ինչպես գենետիկան, այնպես էլ շրջակա միջավայրի գործոնները դեր են խաղում: Վիճակը վարակիչ չէ։

Փսորիազի հրահրիչ գործոններ (տրիգերներ)

Բազմաթիվ մարդիկ, ովքեր հակված են փսորիազ ունենալուն, կարող են տարիներ շարունակ զերծ մնալ ախտանիշներից, քանի դեռ հիվանդությունը չի հրահրվել շրջակա միջավայրի որոշ գործոնով: Փսորիազի տարածված դրդապատճառները ներառում են՝

  • վարակներ, ինչպիսիք են ստրեպտոկոկային կոկորդը կամ մաշկի վարակները
  • եղանակ, հատկապես ցուրտ, չոր պայմաններ
  • մաշկի վնասվածք, ինչպիսին է կտրվածքը կամ քերծվածքը, միջատի խայթոցը կամ ուժեղ արևայրուքը
  • ծխելը և երկրորդային ծխի ազդեցությունը
  • ալկոհոլի չարաշահում՝ մեծ քանակների կամ հաճախակի օգտագործում
  • որոշ դեղամիջոցներ, ներառյալ Լիթիումը, բարձր արյան ճնշման դեղերը (օրինակ՝ բետա-պաշարիչներ և ԱՓՖ արգելակիչներ), ինտերֆերոններ, տետրացիկլին, ոչ ստերոիդ հակաբորբոքայիններ և հակամալարիայի դեղեր
  • բերանային (օրալ) կամ ներարկային կորտիկոստերոիդների կտուկ հանում
  • պատվաստանյութեր (օրինակ՝ գրիպի դեմ)
  • հոգեկան սթրես, որն առաջանում է, երբ անհատը կարծում է, որ պահանջմունքները գերազանցում են դրանց բավարարելու ունակությունները կամ կարողությունները:

Ռիսկի գործոններ

Յուրաքանչյուր mմարդու մոտ կարող է զարգանալ փսորիազ: Դեպքերի մոտ մեկ երրորդը սկսվում է մանկական տարիքում: Այս գործոնները կարող են մեծացնել հիվանդության զարգացման վտանգը:

  • Ընտանեկան պատմություն (անամնեզ). փսորիազը հաճախ ընթանում է ընտանիքներում։ Ծնողներից մեկի փսորիազով հիվանդանալը մեծացնում է այդ հիվանդությամբ հիվանդանալու ռիսկը: Եվ փսորիազով երկու ծնող ունենալը ավելի է մեծացնում ձեր ռիսկը:
  • Ծխելը. ծխախոտ ծխելը ոչ միայն մեծացնում է փսորիազի ռիսկը, այլև կարող է ծանրացնել հիվանդության ընթացքը:
  • Մետաբոլիկ համախտանիշ. գիրությունը, բարձր արյան ճնշում, դիաբետը, դիսլիպիդէմիան կապված են փսորիազի հետ:

Հոդվածը հրապարակվել է՝ 02-05-2019
Վերջին վերանայում՝ 05-04-2024