Գրադարան

Ռոտավիրուս․ ախտանիշներ

Ռոտավիրուս․ ախտանիշներ

Time Read 1 րոպե

Ռոտավիրուսային վարակը սովորաբար սկսվում է վիրուսի ազդեցությանը ենթարկվելուց՝ վարակվելուց երկու օրվա ընթացքում:

Վաղ ախտանշաններն են ջերմությունը և փսխումը, որին հաջորդում է երեքից յոթ օր տևող ջրային փորլուծությունը: Վարակը նաև կարող է առաջացնել որովայնային ցավ։

Ի տարբերություն նորածինների, որոնց մոտ հիվանդությունը համեմատաբար թեթև ընթացք ունի, հիվանդությունն առավել ծանր է ընթանում 3 ամսականից մեծ երեխաների մոտ։ Ռոտավիրուսն ամբողջ աշխարհում վաղ մանկական հասակի երեխաների ծանր փորլուծության ամենահաճախ հանդիպող պատճառն է:

Առողջ չափահասների մոտ ռոտավիրուսային վարակը կարող է առաջացնել միայն թեթև գանգատներ և ախտանիշներ կամ դրանք կարող են ընդհանրապես բացակայել: Այնուամենայնիվ, ռոտավիրուս կրող հիվանդները կարող են վարակիչ մնալ մոտ 2 շաբաթվա ընթացքում:

Ե՞րբ դիմել բժշկին

Կապ հաստատեք երեխայի բժշկի հետ, եթե ձեր երեխան՝

  • ունի փորլուծություն, որը շարունակվում է ավելի քան 24 ժամ
  • հաճախակի փսխում է
  • ունի սև կամ ձութանման կղանք կամ արյուն կամ թարախ պարունակող կղանք
  • ունի 38,9 °C (102 F) կամ ավելի բարձր ջերմաստիճան
  • թվում է հոգնած, դյուրագրգիռ կամ ցավեր ունեցող
  • ունի ջրազրկման (դեհիդրատացիայի) գանգատներ կամ ախտանիշներ, այդ թվում՝ չոր բերան, լաց առանց արցունքների, մեզի քչացում կամ բացակայություն, անսովոր քնկոտություն կամ հարցերն ու շփումը թողնում է անարձագանք:

Եթե չափահաս եք, զանգեք ձեր բժշկին, եթե դուք՝

  • փսխումների պատճառով չեք կարողանում ջուր ընդունել 24 ժամ և ավելի երկար
  • ունեք փորլուծություն, որը շարունակվում է երկու օրից ավելի
  • ձեր փսխման զանգվածներում կամ կղանքում նկատում եք արյուն
  • ունեք 39,4 °C (103 F) կամ ավելի բարձր ջերմաստիճան
  • ունեք ջրազրկման (դեհիդրատացիայի) գանգատներ կամ ախտանիշներ, այդ թվում՝ մշտական ուժեղ ծարավ, չոր բերան, մեզի քչացում կամ բացակայություն, ծանր թուլություն, կանգնելիս գլխապտույտ կամ թեթև ուշագնացության զգացում:

Հոդվածը տեղադրվել է՝ 10-12-2023 վերանայվել է՝ 10-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով