Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Ռոտավիրուսը վիրուսային հիվանդություն է, որն առաջացնում է փորլուծություն և գաստրոէնտերիտ:
Ռոտավիրուսային վարակը գլխավորապես հանդիպում է 6 ամսականից մինչև 2 տարեկան երեխաների շրջանում: Տարբեր երկրներում երեխաները ռոտավիրուսի դեմ ստանում են ստանդարտ պատվաստում: Հայաստանում մինչև 3 ամսական երեխաների՝ ռոտավիրուսի դեմ պատվաստումը ներառված է պլանային պատվաստումների շարքում։
Ռոտավիրուսը կարող է առաջացնել սուր վիրուսային գաստրոէնտերիտ:
Վիրուսը սովորաբար տարածվում է վարակված մարդու հետ հետևյալ ճանապարհներով շփվելիս՝
Ռոտավիրուսը տարածվում է շատ հեշտությամբ, քանի որ վարակումը կարող է տեղի ունենալ մինչև հիվանդի ինձնազգացողության վատանալը կամ մյուս գանգատների դրսևորվելը (օրինակ, երեխաները վարակիչ կարող են դառնալ ախտանիշների ի հայտ գալուց դեռ 48 ժամ առաջ):
Ռոտավիրուսային վարակը կարող է առաջացնել՝
Գանգատները սովորաբար շարունակվում են մի քանի օրից մինչև մեկ շաբաթ:
Ի տարբերություն նորածինների, որոնց մոտ հիվանդությունը համեմատաբար թեթև ընթացք ունի, հիվանդությունն առավել ծանր է ընթանում 3 ամսականից մեծ երեխաների մոտ։ Ռոտավիրուսն ամբողջ աշխարհում վաղ մանկական հասակի երեխաների ծանր փորլուծության ամենահաճախ հանդիպող պատճառն է:
Անհրաժեշտ է նաև հաշվի առնել, որ ռոտավիրուսային վարակը կարող է ընթանալ առանց ախտանիշների, իսկ ռոտավիրուսով հիվանդները կարող են վարակիչ մնալ մոտ 2 շաբաթվա ընթացքում:
Ներկայում ռոտավիրուսի ախտորոշման համար առավել հաճախ կիրառում են լաբորատոր հետազոտությունները՝ իմունաֆերմենտային և լատեքս ագլյուտինացիայի թեստերը։
Սովորաբար առանց որևէ բուժման հիվանդությունն անցնում է իր բոլոր փուլերը, սակայն դուք կարող եք՝
Կրծքով կերակրվող նորածինները կարող են շարունակել սնվել մայրական կաթով, սակայն նրանք լրացուցիչ հեղուկներ ստանալու կարիք կունենան:
Եթե փսխող կամ լուծող երեխան մինչև 6 ամսական է կամ դրսևորում է վատ ինքնազգացողության նշաններ, ապա պետք է այցելել ձեր բժշկին: Եթե ձեր երեխան մինչև 2 ամսական է, բժիշկը կարող է առաջարկվել մի քանի օր հիվանդանոցային պայմաններում ջրազրկման դեմ բուժում:
Ռոտավիրուսի կանխարգելման լավագույն մեթոդը երեխաներին պատվաստելն է:
Պատվաստվելը ռոտավիրուսի դեմ լավագույն պաշտպանական միջոցն է: Այս աղյուսակը ներկայացնում է, թե ինչպես է պատվաստանյութը տրվում, ում պետք է տրվի և այլ հարակից հարցեր: Որոշ վարակներ կարող են կանխարգելվել տարբեր պատվաստումների միջոցով, ուստի նախապես զրուցեք ձեր բժշկի հետ այն մասին, թե որ տարբերակն է ձեզ համար լավագույնը:
| Ո՞ր տարիքում է խորհուրդ տրվում | 2 և 4 ամսականում կամ 2, 4 և 6 ամսականում, պատվաստանյութից կախված |
| Քանի՞ դեղաչափ է անհրաժեշտ | 2 կամ 3, պատվաստանյութից կախված |
| Ինչպե՞ս է տրվում | Օրալ (կուլ տալու միջոցով) |
| Կողմնակի ազդեցություններ | Պատվաստանյութը խիստ անվտանգ է, և սովորաբար որևէ անցանկալի ազդեցություն չի դրսևորվում: Խիստ հազվադեպ պատվաստումը ստանալուց 1-7 օրվա ըթնացքում նորածնի մոտ կարող են առաջանալ աղիքային խնդիրներ (կոչվում է intussusception): |
Կան ռոտավիրուսի տարածումը կանխարգելող տարբեր ճանապարհներ:
Հոդվածը վերանայվել է՝ 26-05-2020
