Գրադարան
Կարմրախտ. բարդություններ
1 րոպե
Կարմրախտը թեթև ընթացքով վարակ է։
Կարմրախտով հիվանդ որոշ կանայք ունենում են մատների, դաստակների և ծնկների շրջանում հոդաբորբ (արթրիտ), որը սովորաբար տևում է մոտ մեկ ամիս: Հազվադեպ կարմրախտը կարող է առաջացնել ականջի վարակ (միջին օտիտ) կամ գլխուղեղի բորբոքում (էնցեֆալիտ):
Այնուամենայնիվ, եթե հղի եք և վարակվում եք կարմրախտով, ձեր չծնված երեխայի վրա այս վարակը կարող է թողնել ծանր, երբեմն՝ մահացու հետևանքներ: Հղիության առաջին 12 շաբաթների ընթացքում կարմրախտով հիվանդ մայրերից ծնված նորածինների մինչև 90%-ի մոտ զարգանում է բնածին կարմրախտային համախտանիշ: Այս համախտանիշը կարող է հանգեցնել մեկ կամ մի քանի խնդիրների, այդ թվում՝
- աճի հապաղում
- կատարակտա (աչքի ոսպնյակի պղտորում)
- խլություն
- սրտի զարգացման խնդիրներ (բնածին սրտի արատներ)
- այլ օրգանների զարգացման խնդիրներ
- մտավոր զարգացման և ուսուցման հետ կապված խնդիրներ:
Պտղի համար ամենաբարձր ռիսկը հղիության առաջին եռամսյակում է, սակայն հղիության ավելի ուշ շրջանի վարակը նույնպես վտանգավոր է:
Հոդվածը տեղադրվել է՝ 10-11-2023 վերանայվել է՝ 11-11-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
