Կարմրախտը վարակիչ վիրուսային վարակ է, որն առավել հայտնի է իր բնորոշ կարմիր ցանով:
Այն նաև կոչվում է գերմանական կարմրուկ կամ եռօրյա կարմրուկ: Մարդկանց մեծամասնության մոտ այս վարակը կարող է առաջացնել թեթև ախտանիշներ կամ ընթանալ աննկատ: Այնուամենայնիվ, կարմրախտը կարող է լուրջ խնդիրներ առաջացնել չծնված երեխաների (պտղի) համար, որոնց մայրերը վարակվում են հղիության ընթացքում:
Կարմրախտը նույնը չէ, ինչ կարմրուկը, սակայն այս երկու հիվանդություններն ունեն որոշ համանման գանգատներ և ախտանիշներ, ինչպիսին է կարմիր ցանը: Կարմրախտը հարուցվում է այլ վիրուսով, քան կարմրուկը, և կարմրախտն այնքան վարակիչ կամ ծանր չէ, որքան կարմրուկը:
Կարմրուկ-խոզուկ-կարմրախտի (ԿԽԿ, MMR) պատվաստանյութն անվտանգ է և բարձր արդյունավետությամբ կարող է կանխարգելել կարմրախտը: Պատվաստանյութն ապահովում է կարմրախտի դեմ ցմահ պաշտպանություն (անընկալունակություն):
Բազմաթիվ երկրներում կարմրախտային վարակը հազվադեպ է կամ նույնիսկ գոյություն չունի: Այնուամենայնիվ, պատվաստանյութն ամենուր չի օգտագործվում, ուստի վիրուսը դեռևս լուրջ խնդիրներ է առաջացնում այն երեխաների համար, որոնց մայրերը վարակվել են հղիության ընթացքում:
Հոդվածը հրապարակվել է՝ 10-11-2023
Վերջին վերանայում՝ 29-04-2024