Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Շիզոֆրենիան հոգեկան հիվանդություն է, որը կարող է դրսևորվել ծանրության տարբեր աստիճաններով:
Հիվանդությունը բնորոշվում է ախտանիշների բազմաթիվ և բազմաբնույթ լինելով, որոնք տարբեր հիվանդների միջև կարող են խիստ տարբերվել: Շիզոֆրենիան մարդու մոտ առաջացնում է իրականության խաթարված ընկալում, որի պատճառով տուժում է նրա մտածողությունը, ընկալումները և վարքագծերը:
Համարվում է, որ շիզոֆրենիան զարգանում է գլխուղեղի գործունեության տարաբնույթ խանգարումների արդյունքում, սակայն նման խանգարման պատճառները դեռևս մնում են ոչ լիարժեք պարզաբանված: Ավելի հավանական է, որ հիվանդությունը ոչ թե ունի եզակի պատճառ, այլ զարգանում է ժառանգական և միջավայրային բազմաթիվ ռիսկի գործոնների բարդ համակցության պատճառով:
Շիզոֆրենիայի զարգացման մեջ գեներն ունեն ամենակարևոր նշանակությունը: Եթե արյունակից հարազատներից մեկնումեկի մոտ առկա է շիզոֆրենիա, ապա հիվանդության զարգացման հավանականությունը դառնում է 1:10-ի, մինչդեռ ընդհանուր բնակչության շրջանում այն 1:100 է: Ամենայն հավանականությամբ հիվանդության ռիսկի բարձրացումը կապված է ոչ թե կոնկրետ մեկ, այլ մի շարք գեների հետ։
Նույնիսկ ժառանգական նախատրամադրվածության առկայության պայմաններում շիզոֆրենիան զարգանում է ոչ բոլոր մարդկանց մոտ: Սակայն, հիվանդության ախտանիշները կարող են դրսևորվել այլ նպաստող գործոնների (տրիգերներ) ազդեցությամբ, որոնցից են առավել ուսումնասիրվածները ներկայացվում են ստորև:
Հոդվածը վերանայվել է՝ 23-05-2019
