Նկարագիր - Ամորձապարկի գոյացություն

Ամորձապարկի կամ փոշտի գոյացությունները առնանդամի հետևում կախված մաշկային պարկի շեղումներ են:

Ամորձապարկը պարունակում է ամորձիներ և հարակից կառուցվածքներ, որոնք արտադրում, պահպանում և տեղափոխում են սպերմատոզոիդներ և արական սեռական հորմոններ:

Ամորձապարկի գոյացությունները կարող են լինել հեղուկների կուտակում, ոչ նորմալ հյուսվածքի աճ կամ ամորձապարկի նորմալ պարունակություն, որն այտուցվել, բորբոքվել կամ պնդացել է:

Ամորձապարկի գոյացությունները պետք է հետազոտվեն բժշկի կողմից, նույնիսկ եթե դուք ցավ կամ այլ ախտանիշներ չունեք: Դրանք կարող են լինել քաղցկեղային ծագման կամ առաջանալ մեկ այլ խնդրի պատճառով, որն ազդում է ամորձիների գործունեության և առողջության վրա:

Ամորձապարկի ինքնազննումն ու բժշկի կանոնավոր հետազոտությունները կարևոր են այդ գոյացությունների արագ հայտնաբերման, ախտորոշման և բուժման համար: