Սեպսիս․ ախտանիշներ

Սեպսիս․ ախտանիշներ

Սեպսիսի ախտանիշները կարող են լինել տարբեր՝ կախված վարակային հիվանդությունից կամ ընդհանուր առողջական վիճակից։

Ծանոթացեք նաև այս հոդվածի հետ ուղղակիորեն կապված այլ նյութերի հետ:

Սեպսիսի ախտանիշները

Սեպսիս ախտորոշվելու համար պետք է լինի հնարավոր կամ հաստատված վարակ և հետևյալ բոլոր նշանները՝

  • հոգեկան վիճակի փոփոխություն
  • 100 միլիմետր սնդիկի սյուն (մմ ս․ս․) կամ ավելի ցածր սիստոլիկ (վերին) արյան ճնշում
  • 22 շնչառական ակտ մեկ րոպեում կամ ավելի հաճախացած շնչառություն:

Սեպտիկ շոկի ախտանիշները

Սեպտիկ շոկը արյան ճնշման կտրուկ անկումն է, որը զարգանում է բջիջների գործունեության գործունեության և էներգիա արտադրելու զգալի շեղման պատճառով: Սեպտիկ շոկի հարաճուն զարգացումը բարձրացնում է մահվան ելքի ռիսկը: Սեպտիկ շոկի զարգացման նշաններից են՝

  • սիստոլիկ արյան ճնշումը 65 մմ ս․ս․ և ավելի բարձր թվերի վրա պահպանելու համար դեղամիջոցների անհրաժեշտություն
  • արյան մեջ կաթնաթթվի (լակտատ) բարձր մակարդակ (որը նշանակում է, որ բջիջները չեն կարողանում պատշաճ կերպով թթվածին օգտագործել):

Ե՞րբ դիմել բժշկին

Ավելի հաճախ սեպսիսը զարգանում է արդեն հիվանդանոցային բուժում ստացող կամ ոչ վաղ անցյալում հոսպիտալացված մարդկանց շրջանում: Սեպսիսի հանգեցնող վարակային հիվանդությունների նկատմամբ ավելի ռիսկային են անհետաձգելի բուժօգնության կամ վերակենդանացման բաժանմունքներում բուժում ստացող անձինք:

Այնուամենայնիվ, ցանկացած վարակ կարող է բերել սեպսիսի: Դիմեք բժշկին, եթե ունեք որևէ վարակ կամ վերք, որը չի պատասխանում բուժմանը: Այնպիսի գանգատները և ախտանիշները, ինչպիսիք են գիտակցության շփոթված վիճակը կամ արագացած շնչառությունը, պահանջում են անհետաձգելի բուժում:

Հոդվածը վերանայվել է՝ 03-07-2021