Ախտանիշներ - Սեպսիս

Սեպսիսի ախտանիշները կարող են լինել տարբեր՝ կախված վարակից կամ ընդհանուր առողջական վիճակից։

Սեպսիսի ախտանիշները

Սեպսիսի ախտանիշները կարող են ներառել՝

• հոգեկան վիճակի փոփոխություն
• արագացած, մակերեսային շնչառություն
• քրտինք՝ առանց հստակ պատճառի
• ուշագնացության զգացում
• դող և սարսուռ
• վարակի տեսակին բնորոշ ախտանիշներ, ինչպիսիք են ցավոտ միզումը միզուղիների վարակի դեպքում կամ հազի վատթարացումը թոքաբորբի դեպքում:

Սեպսիսի ախտանիշներն առանձնահատուկ չեն: Դրանք կարող են տարբեր անձանց մոտ լինել տարբեր, և սեպսիսը կարող է տարբեր կերպ դրսևորվել երեխաների և չափահասների մոտ:

Սեպտիկ շոկի ախտանիշները

Սեպտիկ շոկը արյան ճնշման կտրուկ անկումն է, որը հանգեցնում է հյուսվածքային մակարդակում արյան հոսքի խանգարման: Սեպտիկ շոկի զարգացումը բարձրացնում է մահվան ռիսկը: Սեպտիկ շոկի զարգացման ախտանիշներից են՝

• ոտքի կանգնելու անկարողություն
• ծայրահեղ քնկոտություն կամ արթուն մնալու դժվարություն
• հոգեկան վիճակի զգալի փոփոխություն, ինչպիսին է ծայրահեղ շփոթվածությունը:

Ե՞րբ դիմել բժշկին

Ցանկացած վարակ կարող է հանգեցնել սեպսիսի: Դիմեք ձեր բժշկին, եթե ունեք սեպսիսի ախտանիշներ կամ վարակ կամ վերք, որը չի լավանում:

Ախտանիշները, ինչպիսիք են շփոթվածությունը կամ արագացած շնչառությունը, շտապ օգնության կարիք ունեն: