Գրադարան

Սեպսիս․ ախտորոշում

Սեպսիս․ ախտորոշում

Time Read 2 րոպե

Բժիշկները հաճախ նշանակում են մի քանի թեստեր և հետազոտություններ՝ փորձելով պարզել հիմքում ընկած վարակը:

Արյան թեստեր

Արյան նմուշը կարող է օգտագործվել, որ ստուգվի՝

  • վարակի ապացույցը
  • արյան մակարդման հետ կապված խնդիրները
  • լյարդի կամ երիկամների գործառույթների խանգարումները
  • թթվածնի ավելի ցածր մակարդակը, քան անհրաժեշտ է օրգանիզմին
  • էլեկտրոլիտների անհավասարակշռությունը:

Այլ լաբորատոր թեստեր

Վարակի աղբյուրը գտնելու այլ լաբորատոր թեստերի համար կարող են հետազոտվել հետևյալ նմուշները՝

  • մեզ
  • վերքից հեղուկ արտադրուկ
  • շնչառական ուղիներից լորձ և թուք:

Պատկերային հետազոտություններ

Եթե վարակի շրջանը (աղբյուրը) հեշտությամբ չի հայտնաբերվում, ձեր բժիշկը կարող է նշանակել լրացուցիչ հետազոտություններ: Պատկերային հետազոտությունների որոշ օրինակները ներառում են հետևյալը:

  • Ռենտգեն հետազոտություն. կրծքավանդակի ռենտգենը կարող է ցույց տալ ձեր թոքերի վարակները:
  • Գերձայնային հետազոտություն (սոնոգրաֆիա). այս սարքը օգտագործում է ձայնային ալիքներ՝ տեսաէկրանի վրա իրական ժամանակում պատկերներ ստեղծելու համար: Գերձայնային հետազոտությունը կարող է ցույց տալ լեղապարկի և երիկամների վարակները:
  • Համակարգչային տոմոգրաֆիա (ԿՏ). այս սարքը ռենտգենյան ճառագայթներ է ուղարկում տարբեր անկյուններից և միավորում է դրանք՝ ցույց տալու մարմնի ներքին կառուցվածքների խաչաձև հատված շերտավոր պատկերները: Լյարդի, ենթաստամոքսային գեղձի կամ որովայնի այլ օրգանների վարակներն ավելի հեշտ են հայտնաբերվում ԿՏ-ի ժամանակ:
  • Մագնիսա-ռեզոնանսային տոմոգրաֆիա (ՄՌՏ). այս սարքն օգտագործում է ռադիոալիքներ և ուժեղ մագնիս՝ խաչաձև կամ եռաչափ (3D) պատկերներ ստանալու համար: Այն կարող է օգտակար լինել փափուկ հյուսվածքներ կամ ոսկրային վարակներ հայտնաբերելու համար:

Հոդվածը տեղադրվել է՝ 03-07-2021 վերանայվել է՝ 20-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով