Սինուսիտ - ԼՕՌ

Սինուսիտը դեմքի ոսկրերի հաստության մեջ գտնվող խոռոչների բորբոքումն է։

Այս հիվանդության մեջ ընդգրկվում են քթի հարակից խոռոչները, որոնք կոչվում են սինուսներ։ Հիվանդությունը կարող է ներառել մեկ կամ մի քանի ծոցեր ինչպես մեկ, այնպես էլ երկու կողմերում։

Դեպքերի մեծ մասի ժամանակ սինուսիտի ախտանիշները 1-2 շաբաթվա ընթացքում ինքնուրույն անհետանում են, սակայն որոշ դեպքերում առաջանում է բուժման անհրաժեշություն։

Սինուսիտը հաճախ զարգանում է մրսածությունից (սուր շնչառական վիրուսայյին վարակ, ՍՇՎՎ) և գրիպից հետո։ Որոշ դեպքերում սինուսիտի պատճառ կարող են դառնալ ոչ թե վիրուսները, այլ բակտերիաները։

Սինուսիտի հիմնական ախտանիշներից են շուրջքթային և մերձճակատային շրջաններում ծանրության զգացումը կամ գլխի կտրուկ շարժումների ժամանակ առաջացող ցավը։

Սինուսիտների բուժմամբ սովորաբար զբաղվում են քիթ-կոկորդ-ականջաբանները (ЛОР)։

Բժիշկը ձեզ կարող է նշանակել սովորական ցավազրկողներ, քթի աղային սփրեյներ կամ դեկոնգեստանտներ («քթի կանգը» մեղմացնող կաթիլներ), որոշ դեպքերում՝ նաև ստերոիդ կամ որևէ հակաբիոտիկ դեղի ինհալյացիա՝ ապահովելու քթի հարակից խոռոչների դրենաժը (դատարկվելը)։ Բակտերիալ սինուսիտի ժամանակ ձեզ կարող են նշանակել նաև հակաբիոտիկներ։

Դուք ևս կարող եք նպաստել սինուսիտի բուժմանը՝ տնային պայմաններում դիմելով որոշ միջոցների։

Եթե ձեզ մոտ սինուսիտը հաճախ կրկնվում է, այն կարող է կապ ունենալ ձեր ալերգիկ վիճակի հետ։

Սուր սինուսիտը չբուժվելու դեպքում կարող է վերածվել քրոնիկի։

Իմացե՛ք ավելին սուր և քրոնիկ սինուսիտների մասին:

Ե"րբ այցելել բժշկին

Այցելեք ձեր բժշկին եթե՝

• ձեր գանգատները ծանր են կամ գնալով ծանրանում են
• ձեր գանգատները 7-10 օրվա ընթացքում չեն մեղմանում
• ձեզ մոտ սինուսիտը հաճախ կրկնվում է։

Ինքնօգնություն

Սինուսիտը սովորաբար զարգանում է մրսածությունից (սուր շնչառական վիրուսային վարակ) և գրիպից հետո և ինքնուրույն լավանում է։ Տնային պայմաններում դուք կարող եք նպաստել սինուսիտի նշանների մեղմացմանը որոշ պարզ միջոցներով։

• Հակականգային դեղեր (դոկոնգեստանտներ). այս դեղամիջոցներն արտադրվում են հաբերի, քթային սփրեյի կամ կաթիլների ձևով։ Այս միջոցները կօգնեն, որ մեղմանա քթի լորձաթաղանթի այտուցը, թուլանա քթի փակվածությունը և վերականգնվի քթային արտահոսքը։ Սակայն հիշեք, որ հակականգային դեղերը չի կարելի օգտագործել երկար ժամանակ։ Մինչև դեղերի օգտագործելը ծանոթացեք դեղի պիտակին և խորհրդակցեք ձեր բժշկի հետ։
• Խմեք մեծ քանակությամբ հեղուկներ (ջուր). եթե ունեք ուղեկցող հիվանդություններ, ձեր բժշկից ճշտեք ջրի քանակները։
• Ժամանակ առ ժամանակ «փչելով» մաքրեք ձեր քիթը. ընդ որում, մաքրեք ոչ թե միաժամանակ երկու, այլ՝ առանձին-առանձին աջ ու ձախ քթանցքներով «փչելով»։
• Դեմքի ցավող շրջանում դրեք տաք կամ սառը թաշկինակ, նայած, թե որը ձեզ կօգնի։
• Ձեզ հանգիստ պահեք և խուսափեք ֆիզիակական գործերից, մինչև հիվանդության ախտանիշները կվերանան։
• Տան ջերմաստիճանը պահեք ոչ շատ տաք, ոչ էլ սառը վիճակում։
• Մի ծխեք և թույլ մի տվեք, որ ձեր բնակարանում ծխեն։