Քրոնիկ սինուսիտ

Քրոնիկ սինուսիտ
ՀՄԴ-10 ծածկագիր J32. Քրոնիկ սինուսիտ

Քրոնիկ սինուսիտի մասին խոսք է գնում, երբ քթի և հարակից խոռոչներում (սինուսներ) այտուցը և բորբոքումը բուժումից անկախ շարունակվում են 3 ամիս և ավելի երկար:

Այս տարածված հիվանդությունը խաթարում է քթից և հարակից խոռոչներից լորձի նորմալ դատարկումը և առաջացնում քթի փակվածություն։ Քթով շնչառությունը դժվարանում է և ի հայտ է գալիս հարակնային շրջանի այտուցված կամ լարված լինելու զգացողություն:

Քրոնիկ սինուսիտը կարող է պատճառվել վարակից, սինուսներում գերաճից (քթային պոլիպներ) կամ լորձաթաղանթի այտուցից: Նման վիճակը նաև անվանում են քրոնիկ ռինոսինուսիտ, որը կարող է զարգանալ ինչպես չափահասների, այնպես էլ երեխաների շրջանում:

Հոդվածը վերանայվել է՝ 13-06-2021