Պատճառներ - Խռմփոց

Խռմփոց կարող է առաջանալ բազմաթիվ պատճառներով, օրինակ՝ բերանի և հարքթային ծոցերի անատոմիա, ալկոհոլի օգտագործում, ալերգիաներ, մրսածություն, մարմնի քաշ և այլն:

Երբ նիրհում և մակերեսային քնից անցնում եք խոր քուն, բերանի առաստաղի մկանները (փափուկ քիմք), լեզուն և ըմպանը թուլանում են: Ըմպանի բավարար թուլացած մկանները կարող են մասամբ փակել շնչուղիները և օդի հոսքի հետ թրթռալ:

Որքան ավելի շատ են նեղացած շնչուղիները, այդքան ավելի է դժվարացած շնչուղիներով օդի մուտքն ու ելքը, որի պատճառով խռմփոցը դառնում է ավելի բարձրաձայն:

Հետևյալ հիվանդությունները կարող են ազդել շնչուղիների վրա և առաջացնել խռմփոց:

• Բերանի խոռոչի անատոմիա. ցածր և հաստ փափուկ քիմքը կարող է նեղացնել շնչուղին: Ավելորդ քաշ ունեցող մարդկանց ըմպանի փափուկ հյուսվածքներն ավելի արտահայտված են, որն իր հերթին նպաստավոր պայմաններ է ստեղծում խռմփոցի առաջացման համար: Նույնը վերաբերվում է փափուկ քիմքից կախված երկար և մսոտ լեզվակին:
• Ալկոհոլի օգտագործում. խռմփոց կարող է առաջանալ գիշերային քնից առաջ ալկոհոլ օգտագործելու պատճառով: Ալկոհոլը թուլացնում է ըմպանի մկանները և նվազեցնում շնչուղիների նեղացման դեմ բնական պաշտպանությունը:
• Քթային խնդիրներ. քթի քրոնիկ փակվածությունը կամ քթային անցուղիների նեղացման բերող միջնապատի շեղումները կարող են նպաստել խռմփոցի առաջացմանը:
• Անբավարար քուն. խանգարված քունը կարող է բերել ըմպանի մկանների ավելցուկային թուլացման:
• Քնի դիրք. խռմփոցն ավելի հաճախ է առաջանում և ավել բարձր է լինում, երբ քնում եք մեջքի վրա, երբ ծանրության ուժի տակ փափուկ քիմքը և լեզուն նեղացնում կամ փակում են վերին շնչուղիները:

Ռիսկի գործոններ

Որոշ ռիսկի գործոններ կարող են նպաստել խռմփոցի առաջացմանը:

• Արական սեռ. տղամարդկանց մոտ խռմփոցի կամ քնի ապնոէի առաջացման ռիսկն ավելի բարձր է , քան կանանց մոտ:
• Ավելորդ քաշ. ավելորդ քաշ ունեցող կամ գեր մարդկանց մոտ բարձրանում է խռմփացնելու կամ օբստրուկտիվ քնի ապնոէ ունենալու ռիսկը:
• Նեղ շնչուղիներ. որոշ նարդիկ ունեն երկար փափուկ քիմք, մեծացած նշագեղձեր կամ ադենոիդներ, որը կարող է նեղացնել շնչուղիները և առաջացնել խռմփոց:
• Ալկոհոլի օգտագործում. ալկոհոլը թուլացնում է ըմպանի մկանները, ուստի՝ բարձրացնում խռմփոցի ռիսկը:
• Քթային խնդիրներ. եթե ունեք քթային անցուղիների կառուցվածքային դեֆեկտներ, օրինակ՝ միջնապատի ծռում կամ եթե ձեր քիթը քրոնիկ փակ է, խռմփոցի ռիսկն ավելի բարձր է:
• Խռմփոցի կամ օբստրուկտիվ քնի ապնոէի ընտանեկան պատմություն. ժառանգականությունը քնի օբստրուկտիվ ապնոէի հավանական ռիսկի գործոն է: