Գրադարան

Կակազություն․ ախտանիշներ

Կակազություն․ ախտանիշներ

Time Read 2 րոպե

Կակազության գանգատներն ու ախտանիշները կարող են ներառել հետևյալը՝

  • բառ, արտահայտություն կամ նախադասություն սկսելու դժվարություն
  • բառի մեջ վանկերի կամ հնչյունների երկարացում
  • հնչյունի, վանկի կամ բառի հարկադրական կրկնություն
  • որոշակի վանկերի կամ բառերի համար կարճատև լռություն կամ բառի մեջ դադարներ («կոտրված բառ»)
  • լրացուցիչ բառերի ավելացում, օրինակ՝ «ըմ», եթե ակնկալվում է հաջորդ բառին անցնելու դժվարություն
  • դեմքի կամ մարմնի վերին հատվածի ավելորդ լարվածություն, ձգվածություն կամ շարժում՝ բառ արտաբերելու համար
  • խոսելու հետ կապված անհանգստություն
  • արդյունավետ հաղորդակցման սահմանափակված ունակություն:

Կակազելու հետ կապված խոսքի դժվարությունները կարող են ուղեկցվել հետևյալ նշաններով կամ երևույթներով՝

  • աչքերի արագ թարթում
  • շրթունքների կամ ծնոտի դող (տրեմոր)
  • դիմային տիկեր
  • գլխի ցնցումներ
  • բռունցքների սեղմում:

Կակազելը կարող է ավելի սաստկանալ, երբ անձը հուզված, հոգնած կամ սթրեսի մեջ է կամ երբ անհարմար է զգում, շտապում է կամ զգում է ճնշվածություն: Իրավիճակները, ինչպիսիք են խմբի առջև խոսելը կամ հեռախոսով զրուցելը, կարող են առանձնակի դժվար լինել կակազող մարդկանց համար:

Այնուամենայնիվ, կակազող մարդկանց մեծամասնությունը կարող է խոսել առանց կակազելու, երբ խոսում է ինքն իր հետ հետ կամ երբ երգում կամ խոսում է մեկ ուրիշի հետ միաժամանակ:

Ե՞րբ դիմել բժշկին կամ խոսքի-լեզվի մասնագետին

2-ից 5 տարեկան երեխաների համար կակազելու ժամանակաշրջաններ ունենալը սովորական երևույթ է: Երեխաների մեծամասնության համար սա խոսել սովորելու մի մասն է, և կակազելն ինքնուրույն լավանում է: Այնուամենայնիվ, եթե կակազությունը շարունակվում է, կարող է պահանջվել բուժում՝ ուղղված խոսքի սահունության բարելավմանը:

Կապ հաստատեք ձեր բժշկի հետ՝ ուղեգիր ստանալու համար կամ ուղղակիորեն դիմեք լոգոպեդին, եթե ունեք կակազություն, որը՝

  • տևում է ավելի քան վեց ամսին
  • ուղեկցվում է խոսքի կամ լեզվի հետ կապված այլ խնդիրներով
  • դառնում է ավելի հաճախակի կամ, չնայած երեխայի մեծանալուն, շարունակվում է
  • ուղեկցվում է մկանների ձգման կամ խոսքի հետ կապված տեսանելի դժվարության հետ
  • ազդում է դպրոցում, աշխատավայրում կամ սոցիալական հարաբերություններում արդյունավետ հաղորդակցման ունակության վրա
  • առաջացնում է անհանգստություն կամ հուզական խնդիրներ, ինչպիսիք են վախը կամ այնպիսի իրավիճակներից խուսափելը, որտեղ պահանջվելու է խոսել
  • սկսվում է չափահաս տարիքում:

Հոդվածը տեղադրվել է՝ 28-01-2024 վերանայվել է՝ 28-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով