Ամորձու քաղցկեղը բջիջների գերաճ է, որը սկսվում է ամորձիներից:
Ամորձիները, որոնք նաև կոչվում են ձվեր, գտնվում են ամորձապարկում (փոշտ կամ սկրոտում)։ Վերջինս առնանդամի տակ գտնվող մաշկակին ազատ պարկ է: Ամորձիները արտադրում են սերմնաբջիջ և տեստոստերոն հորմոն։
Ամորձու քաղցկեղը քաղցկեղի տարածված տեսակ չէ: Այն կարող է զարգանալ ցանկացած տարիքում, սակայն առավել հաճախ հանդիպում է 15-45 տարեկանների շրջանում:
Ամորձու քաղցկեղի առաջին նշանը հաճախ ամորձու վրա առաջացած գոյացությունը կամ ուռուցքն է: Քաղցկեղային բջիջները կարող են արագ աճել։ Դրանք հաճախ տարածվում են ամորձիից դուրս՝ դեպի օրգանիզմի այլ շրջաններ։
Ամորձու քաղցկեղը լավ բուժելի է, նույնիսկ երբ տարածվել է ամորձապարկից դուրս: Բուժումը կախված է ամորձու քաղցկեղի տեսակից և տարածման աստիճանից: Սովորական բուժումը ներառում է վիրահատություն և քիմիոթերապիա:
Հոդվածը հրապարակվել է՝ 18-04-2020
Վերջին վերանայում՝ 22-04-2024