Բարդություններ - Թրոմբոցիտոզ

Էսենցիալ թրոմբոցիտեմիան կարող է հանգեցնել մի շարք կյանքին սպառնացող հավանական բարդությունների:

Դրանիցից կարևորները ներկայացված են ստորև:

• Ինսուլտներ. եթե գլխուղեղը սնուցող զարկերակների լուսանցքում ձևավորվում է արյան մակարդուկ (թրոմբ), դա կարող է ինսուլտի պատճառ դառնալ: Մինի-ինսուլտը, որը նաև կոչվում է անցողիկ իշեմիկ գրոհ, արյան հոսքի ժամանակավոր ընդհատումն է դեպի գլխուղեղի մի շրջան:
• Սրտամկանի ինֆարկտներ. ավելի հազվադեպ, էսենցիալ թրոմբոցիտեմիան կարող է առաջացնել արյան մակարդուկներ (թրոմբներ) այն զարկերակներում, որոնք արյուն են մատակարարում ձեր սրտամկանին (պսակային զարկերակներ):
• Քաղցկեղ. թեև հազվադեպ, սակայն էսենցիալ թրոմբոցիտեմիան կարող է հանգեցնել լեյկոզի մի տեսակի, որն արագ է զարգանում:

Հղիության բարդություններ

Էսենցիալ թրոմբոցիտեմիայով կանանց մեծամասնությունն անցկացնում է նորմալ, առողջ հղիություն: Սակայն, չվերահսկվող թրոմբոցիտեմիան կարող է հանգեցնել վիժման և այլ բարդությունների: Հղիության բարդությունների ռիսկը կարող է կրճատվել կանոնավոր ստուգումների և դեղորայքի միջոցով, այնպես որ համոզվեք, որ հղիության ընթացքում գտնվում եք ձեր բժիշկի պարբերաբար վերահսկողության ներքո: