Գրադարան
Թրոմբոցիտոզ. ախտանիշներ
1 րոպե
Արյան թիթեղիկների (թրոմբոցիտների) բարձր մակարդակներ ունեցող մարդիկ հաճախ որևէ գանգատ կամ ախտանիշ չունեն:
Եթե, այնուամենայնիվ, զարգանում են ախտանիշներ, դրանք հաճախ վերաբերվում են արյան մակարդուկներին (թրոմբ): Օրինակներից են՝
- գլխացավ
- շփոթվածություն կամ խոսքի փոփոխություններ
- կծքավանդակի ցավ
- շնչարգելություն և հևոց
- սրտխառնոց
- թուլություն
- ձեռքերում (դաստակներում) կամ ոտնաթաթերում այրող բնույթի ցավեր, թմրածություն կամ ծակոցներ (պարէսթեզիա):
Ավելի հազվադեպ, արյան թիթեղիկների (թրոմբոցիտների) խիստ բարձր մակարդակները կարող են առաջացնել արյունահոսություն: Սա կարող է պատճառել՝
- քթային արյունահոսություն
- արյունազեղումներ
- բերանից կամ լնդերից արյունահոսում
- արյունային կղանք:
Ե՞րբ դիմել բժշկին
Դիմեք ձեր բժշկին, եթե ունեք որևէ բացատրություն չունեցող ախտանիշներ, որոնք ստացել են համառ բնույթ: Սուր գանգատների դեպքում անմիջապես զանգեք 1-03 և կանչեք շտապ օգնություն:
Հոդվածը տեղադրվել է՝ 03-08-2023 վերանայվել է՝ 03-08-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
