Ախտանիշներ - Պորտային ճողվածք

Պորտային ճողվածքը դրսևորվում է պորտի մոտ փափուկ այտուցով կամ ուռուցիկությամբ։

Պորտային ճողվածք ունեցող նորածինների մոտ այս ուռուցիկությունը կամ արտացցվածքը կարող է տեսանելի լինել միայն այն ժամանակ, երբ նրանք լաց են լինում, հազում են կամ լարում որովայնը (օրինակ՝ աղիները դատարկելիս):

Երեխաների պորտային ճողվածքները սովորաբար անցավ են: Սակայն, եթե պորտային ճողվածքն ի հայտ է գալիս հասուն տարիքում, կարող է առաջացնել որովայնային անհարմարավետություն:

Ե՞րբ դիմել բժշկին

Եթե կասկածում եք, որ ձեր նորածին երեխան ունի պորտային ճողվածք, տեղեկացրեք այդ մասին նրա բժշկին: Դիմեք անհետաձգելի բուժօգնության, եթե ձեր նորածին երեխան ունի պորտային ճողվածք և՝

• կարծես ցավ է զգում
• սկսում է փսխել
• ճողվածքի շրջանում նկատում եք ցավոտություն, այտուց կամ գույնի փոփոխություն:

Նմանատիպ մոտեցում պետք է դրսևորել նաև չափահասների համար: Խոսեք ձեր բժշկի հետ, եթե ձեր պորտի մոտ ուռուցիկություն կամ արտացցվածք ունեք և անմիջապես բուժօգնության դիմեք, եթե այդ ուռուցիկությունը դառնում է ցավոտ կամ լարված: Ժամանակին ախտորոշումը և բուժումը կարող են օգնել բարդությունների կանխարգելմանը: