Գրադարան

Պորտային ճողվածք. բուժում

Պորտային ճողվածք. բուժում

Time Read 1 րոպե

Նորածինների մոտ պորտային ճողվածքների մեծ մասն ինքնուրույն փակվում է մինչև 1 կամ 2 տարեկանը:

Ձեր բժիշկը կարող է նույնիսկ ֆիզիկական քննության ընթացքում արտացցումը կամ ուռուցիկությունը ետ մղել դեպի որովայնի խոռոչ: Այնուամենայնիվ, մի՛ փորձեք նույն գործողությունը կատարել տանը:

Թեև որոշ մարդիկ պնդում են, որ ճողվածքը կարող է շտկվել մետաղադրամը կիպ փակցնելով ուռուցիկության վրա, մի՛ փորձեք նաև այս մեթոդը: Կպչուն ժապավենը կամ առարկան ճողվածքի վրա դնելը չի օգնում, իսկ մանրէները կարող են կուտակվել ժապավենի տակ՝ առաջացնելով վարակ:

Երեխաների դեպքում վիրահատությունը սովորաբար վերապահված է այն պորտային ճողվածքների համար, որոնք՝

  • ցավոտ են
  • 1-2 սմ (1/4 մինչև 3/4 դյույմ) տրամագծից քիչ ավելի մեծ են
  • մեծ են և կյանքի առաջին երկու տարիների ընթացքում չեն փոքրանում
  • 5 տարեկան հասնելիս չեն անհետանում
  • օղակվում են կամ առաջացնում են աղիների խցանում (անանցանելիություն):

Չափահասների դեպքում սովորաբար խորհուրդ է տրվում վիրահատություն՝ հնարավոր բարդություններից խուսափելու համար, հատկապես, եթե պորտային ճողվածքը մեծանում է կամ դառնում է ցավոտ:

Վիրահատության ժամանակ պորտի մոտ կատարվում է փոքր կտրվածք։ Ճողվածքապարկի պարունակությունը վերադարձվում է որովայնի խոռոչ, իսկ որովայնի պատի բացվածքը փակվում է կարերով։ Չափահասների մոտ վիրաբույժները հաճախ օգտագործում են ցանց, որն օգնում է որովայնի պատի ամրացմանը:

Հոդվածը տեղադրվել է՝ 29-11-2023 վերանայվել է՝ 29-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով