Ախտանիշներ - Անոթային դեմենցիա

Անոթային դեմենցիայի ախտանիշները տարբերվում են՝ կախված ձեր գլխուղեղի այն շրջանից, որտեղ արյան հոսքը խանգարվել է:

Ախտանիշները հաճախ համընկնում են այլ տեսակի դեմենցիայի, հատկապես Ալցհեյմերի հիվանդության դեմենցիայի ախտանիշների հետ: Սակայն, ի տարբերություն Ալցհեյմերի հիվանդության, անոթային դեմենցիայի ամենակարևոր ախտանիշները հակված են բացասաբար ազդելու մտածելու արագության և խնդիրների լուծման վրա, այլ ոչ թե հանգեցնելու հիշողության կորստին:

Անոթային դեմենցիայի գանգատներն ու ախտանիշները ներառում են՝

• շփոթվածություն
• ուշադրության և կենտրոնանալու դժվարություն
• մտքերը կամ գործողությունները կազմակերպելու ունակության թուլացում
• իրավիճակը վերլուծելու, արդյունավետ ծրագիր մշակելու և այդ ծրագիրը ուրիշներին հաղորդելու ունակության նվազում
• մտածողության դանդաղեցում
• կազմակերպման հետ կապված դժվարություններ
• դժվարություն որոշելու, թե ինչ անել հետո
• հիշողության հետ կապված խնդիրներ
• անհանգստություն և հոգեշարժական գրգռվածություն (աժիտացիա)
• անկայուն քայլվածք
• դեպրեսիա կամ անտարբերություն (ապաթիա):

Անոթային դեմենցիայի ախտանիշները կարող են առավել հստակ լինել, երբ դրանք հանկարծակի հայտնվում են ինսուլտից հետո: Երբ ձեր մտածողության և դատողության փոփոխությունները կարծես կապված են ինսուլտի հետ, այս վիճակը երբեմն կոչվում է հետինսուլտային դեմենցիա:

Երբեմն անոթային դեմենցիայի ախտանիշների բնորոշ բնույթը հաջորդում է մի շարք ինսուլտներին կամ մինի-ինսուլտներին: Ձեր մտածողության գործընթացներում փոփոխությունները տեղի են ունենում նկատելի քայլերով, որոնք նվազում են ձեր նախորդ գործունեության մակարդակից՝ ի տարբերություն աստիճանական, կայուն անկման, որը սովորաբար տեղի է ունենում Ալցհեյմերի հիվանդության դեմենցիայի դեպքում:

Այնուամենայնիվ, անոթային դեմենցիան նաև կարող է զարգանալ շատ աստիճանաբար, ինչպես Ալցհեյմերի հիվանդության դեմենցիան: Ավելին, անոթային հիվանդությունը և Ալցհեյմերի հիվանդությունը հաճախ հանդիպում են միասին:

Ուսումնասիրությունները ցույց են տալիս, որ բազմաթիվ մարդիկ, ովքեր ունեն դեմենցիա և գլխուղեղի անոթային հիվանդություն, ունեն նաև Ալցհեյմերի հիվանդություն: