Պատճառներ - Ցորենից ալերգիա

Եթե ունեք ցորենից ալերգիա, ցորենում պարունակվող սպիտակուցի ազդեցությունը խթանում է ձեր իմունային համակարգը՝ առաջացնելով ալերգիկ ռեակցիա:

Ձեզ մոտ կարող է ալերգիա զարգանալ ցորենում առկա սպիտակուցների չորս դասերից որևէ մեկի նկատմամբ՝ ալբումին, գլոբուլին, գլիադին և գլուտեին (սնձան):

Ցորենային սպիտակուցների աղբյուրները

Ցորենային սպիտակուցների որոշ աղբյուրներ ակնհայտ են, ինչպիսին է հացը, սակայն դրանք, մասնավորապես՝ գլուտեինը (սնձան), կարելի է գտնել բազմաթիվ պատրաստի մթերքներում և նույնիսկ դիմահարդարման կամ լոգանքի որոշ արտադրանքների և այլ նյութերի մեջ: Մթերքները, որոնք կարող են ներառել ցորենի սպիտակուցներ, ներառում են հետևյալը՝

• հաց ու հացի չորուկներ (панировочные сухари)
• տորթեր, կեքսեր և թխվածքաբլիթներ
• նախաճաշի փաթիլներ (ձավարեղեն, хлопья)
• մակարոնեղեն
• կուսկուս
• ֆարինա
• մանրաձավար (սեմոլինա, манная крупа)
• սպելտ
• կրեկեր
• հիդրոլիզացված բուսական սպիտակուց
• սոյայի կրեմ (սոուս)
• մսային արտադրանքներ, օրինակ՝ հոթ-դոգ
• կաթնամթերք, օրինակ՝ պաղպաղակ
• բնական բուրավետիչներ
• ժելատինացված օսլա
• փոփոխված (մոդիֆիկացված) սննդային օսլա
• բուսական մաստակ:

Եթե ունեք ալերգիա ցորենի նկատմամբ, հնարավոր է, որ ալերգիա դրսևորեք նաև գարու, վարսակի և տարեկանի նկատմամբ: Եթե ալերգիկ եք ցորենից բացի այլ հացահատիկներից, ցորեն չպարունակող սննդակարգն ավելի քիչ սահմանափակող է, քան առանց գլուտեին (սնձան) սննդակարգը, որն առաջարկվում է ցելիակայի դեպքում:

Ցորեն-կախված, վարժանքներով հարուցված անաֆիլաքսիա

Ցորենից ալերգիա ունեցող որոշ մարդկանց մոտ ախտանիշներ են առաջանում միայն այն դեպքում, երբ նրանք ցորեն ուտելուց հետո մի քանի ժամվա ընթացքում կատարում են ֆիզիկական վարժանքներ կամ աշխատանք: Վարժանքների կամ ֆիզիկական ծանրաբեռնվածության հետևանքով օրգանիզմում զարգացող փոփոխություններն առաջացնում են ալերգիկ ռեակցիա կամ սաստկացնում են իմունային համակարգի պատասխան ռեակցիան ցորենի սպիտակուցին: Այս վիճակը սովորաբար հանգեցնում է կյանքին սպառնացող անաֆիլաքսիայի:

Ռիսկի գործոններ

Որոշ գործոններ կարող են մեծացնել ցորենի նկատմամբ ալերգիայի զարգացման ռիսկը:

• Ընտանեկան պատմություն (անամնեզ). ձեզ մոտ ցորենի կամ այլ մթերքների նկատմամբ ալերգիայի ռիսկն ավելի մեծ է, եթե ձեր ծնողներն ունեն սննդային ալերգիա կամ ալերգիայի այլ դրսևորումներ, ինչպիսին է ասթման:
• Տարիք. ցորենի նկատմամբ ալերգիան առավել տարածված է նորածինների և մանկահասակ երեխաների շրջանում, ովքեր ունեն ոչ լիարժեք ձևավորված իմունային և մարսողական համակարգեր: Երեխաների մեծամասնությունը 16 տարեկանում հաղթահարում է ցորենի նկատմամբ ալերգիան, սակայն չափահասների մոտ այն կարող է զարգանալ, հաճախ՝ որպես խաչաձև զգայունություն խոտի փոշու մասնիկների նկատմամբ: