Երկար կամ երկարատև QT միջակայքի համախտանիշը սրտի էլեկտրական համակարգի հիվանդություն է, որը կարող է առաջացնել արագացած, քաոսային սրտազարկ՝ առիթմիա:
Հիվանդությունը ստացել է այսպիսի անսովոր անվանում՝ ելնելով էլեկտրասրտագրությամբ (ԷՍԳ) բնորոշ շեղման՝ QT միջակայքի երկարացման: Այն կարող է ընթանալ անկանոն սրտազարկով, ուշագնացությամբ կամ ցնցումներով, իսկ որոշ դեպքերում կարող է նաև հանգեցնել հանկարծամահության:
Դուք կարող եք ունենալ գենետիկ փոփոխություն (մուտացիա), որը բարձրացնում է բնածին երկար QT համախտանիշի ռիսկը: Որոշակի դեղամիջոցները, օրգանիզմում աղերի և միներալների անհավասարակշռությունը (էլեկտրոլիտային շեղումներ) և առողջական խնդիրներն իրենց հերթին կարող են առաջացնել ձեռք բերովի երկար QT համախտանիշ:
Կան երկար QT համախտանիշի բուժման տարբեր արդյունավետ մեթոդներ:
Հոդվածը հրապարակվել է՝ 13-06-2020
Վերջին վերանայում՝ 26-04-2024