Գրադարան

Աքիլեսյան ջլի տենդինիտ․ կանխարգելում

Աքիլեսյան ջլի տենդինիտ․ կանխարգելում

Time Read 1 րոպե

Թեև հնարավոր չէ լիարժեք կանխարգելել աքիլեսյան տենդինիտը, դուք կարող եք միջոցներ ձեռնարկել ձեր ռիսկը նվազեցնելու համար:

  • Աստիճանաբար բարձրացրեք ձեր ակտիվության մակարդակը. եթե նոր եք սկսում ֆիզիկական վարժանքների ռեժիմը, սկսեք դանդաղորեն և աստիճանաբար ավելացրեք մարզումների տևողությունը և ինտենսիվությունը:
  • Թեթև տարեք. խուսափեք այնպիսի գործողություններից, որոնք ավելորդ լարվածություն են առաջացնում ձեր ջլերի վրա, ինչպիսին է լեռնային տեղանքում վազքը: Եթե մասնակցում եք ինտենսիվ գործունեության, սկսեք սրունք-թաթային հոդերը «տաքացնող» նախավարժանքից: Եթե որոշակի վարժանքների ժամանակ ցավ եք զգացել, կանգ առեք և հանգստացեք:
  • Ճիշտ ընտրեք ձեր կոշիկները. մարզակոշիկները, որոնք կրում եք ֆիզիկական վարժանքների համար, պետք է ունենան ձեր կրունկի համար համարժեք բարձիկ և ամուր կամարային հենակ, որը կօգնի աքիլեսյան ջլում լարվածության նվազեցմանը: Փոխարինեք ձեր մաշված մարզակոշիկները: Եթե ձեր մարզակոշիկները լավ վիճակում են, բայց չեն օժանդակում ձեր ոտնաթաթին, փորձեք կոշիկի ներսում դրվող ներբաններ (սուպինատորներ)՝ երկու կոշիկներում:
  • Ամեն օր զբաղվեք ձգող վարժանքներով․ առավոտյան, վարժանքներից առաջ և մարզվելուց հետո կատարեք ձեր սրունքի ձկնմկանները և Աքիլեսյան ջիլը ձգող վարժություններ՝ ճկունությունը պահպանելու համար: Սա հատկապես կարևոր է աքիլեսյան տենդոնիտի կրկնությունից խուսափելու համար:
  • Ամրապնդեք ձեր ձկնամկանները․ սրունքի ուժեղ ձկնամկանները թույլ են տալիս այդ մկաններին և Աքիլեսյան ջլին ավելի լավ հաղթահարել լարվածությունները, որոնց ենթարկվում են ակտիվության և ֆիզիկական վարժանքների ժամանակ:
  • Խաչաձև վարժանքներ. հաջորդաբար փոփարինեք բարձր ազդեցության զբաղմունքները, ինչպիսիք են վազքը և ցատկելը, ցածր ազդեցության զբաղմունքներով, ինչպիսիք են հեծանիվ վարելը և լողը:

Հոդվածը տեղադրվել է՝ 27-01-2024 վերանայվել է՝ 27-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով