Պատճառներ - Ալկոհոլային թունավորում

Ալկոհոլը էթանոլի (էթիլ սպիրտի) տեսքով առկա է ալկոհոլային խմիչքների, բերանի ողողման, խոհարարական մզվածքների, որոշ դեղամիջոցների և կենցաղային որոշ ապրանքների մեջ:

Էթիլ սպիրտով թունավորումը հիմնականում առաջանում է չափից շատ ալկոհոլային խմիչքներ օգտագործելուց, հատկապես կարճ ժամանակահատվածում (կոչվում է գինարբուք):

Ալկոհոլի այլ ձևերը՝ ներառյալ իզոպրոպիլային սպիրտը (հայտնաբերվում է բժշկական սպիրտի, լոսյոնների և որոշ մաքրող միջոցների մեջ) և մեթանոլը (մեթիլ սպիրտ կամ փայտի սպիրտ) կամ էթիլեն գլիկոլը (հակասառեցման, ներկերի և լուծիչների ընդհանուր բաղադրիչ) կարող են առաջացնել տոքսիկ թունավորման այլ տեսակներ, որոնք պահանջում են անհետաձգելի բուժում:

Գինարբուք (անդադար խմում)

Ալկոհոլային թունավորման հիմնական պատճառը շատ խմելն է՝ շատ խմելու բնույթ, երբ տղամարդը երկու ժամվա ընթացքում արագ օգտագործում է հինգ կամ ավելի չափաբաժին ալկոհոլային խմիչք, կամ կինն արագորեն օգտագործում է առնվազն չորս չափաբաժին երկու ժամվա ընթացքում: Գինարբուքը կարող է զարգանալ մի քանի ժամվա ընթացքում կամ տևել մինչև մի քանի օր:

Դուք կարող եք ալկոհոլի մահացու չափաբաժին ընդունել նախքան ուշագնաց լինելը: Նույնիսկ երբ դուք անգիտակից եք կամ դադարել եք խմել, ալկոհոլը շարունակում է ներծծվել ստամոքսից և աղիներից ձեր արյան մեջ, և ձեր օրգանիզմում ալկոհոլի մակարդակը շարունակում է բարձրանալ:

Ինչքա՞նն է համարվում շատ

Ի տարբերություն սննդամթերքի, որի մարսումը կարող է տևել ժամեր, ալկոհոլը արագ ներծծվում է արյան հուն՝ այլ սննդանյութերից շատ առաջ: Եվ շատ ավելի շատ ժամանակ է պահանջվում, որ ձեր օրգանիզմն ազատվի ձեր օգտագործած ալկոհոլից: Ալկոհոլի մեծ մասը վերամշակվում (նյութափոխանակվում է) ձեր լյարդում:

Որքան շատ խմեք, հատկապես կարճ ժամանակահատվածում, այնքան մեծ է ալկոհոլային թունավորման ձեր ռիսկը:

Ալկոհոլի մեկ չափաբաժինը (drink) սահմանվում է որպես՝

• 12 ունցիա (355 միլիլիտր) սովորական գարեջուր (մոտ 5 տոկոս ալկոհոլ)
• 8-ից 9 ունցիա (237-ից 266 միլիլիտր) ածիկի լիկյոր (մոտ 7 տոկոս ալկոհոլ)
• 5 ունցիա (148 միլիլիտր) գինի (մոտ 12 տոկոս ալկոհոլ)
• 1,5 ունցիա (44 միլիլիտր) 80 դիմացկուն պինդ լիկյոր (մոտ 40 տոկոս ալկոհոլ):

Խառը խմիչքները կարող են պարունակել մեկից ավելի չափաբաժին ալկոհոլ և նույնիսկ ավելի երկար նյութափոխանակվեն ձեր լյարդում:

Ռիսկի գործոններ

Մի շարք գործոններ կարող են մեծացնել ալկոհոլային թունավորման ռիսկը, այդ թվում՝

• ձեր մարմնի չափը և քաշը
• ձեր ընդհանուր առողջական վիճակը
• երբ վեջին անգամ սնունդ ընդունել
• արդյոք ալկոհոլը զուգակցում եք այլ թմրամիջոցների հետ
• ձեր խմիչքի մեջ ալկոհոլի տոկոսը
• ալկոհոլի օգտագործման արագությունը և քանակը
• ձեր տոլերանտության մակարդակը: