Նկարագիր - Ալկոհոլային թունավորում

Ալկոհոլային թունավորումը կարճ ժամանակում մեծ քանակությամբ ալկոհոլ օգտագործելու ծանր և երբեմն մահացու հետևանք է:

Ալկոհոլը հոգեներգործուն նյութ է, որն ունի գլխուղեղի գործունեությունն ընկճող (դեպրեսանտային) ներգործություն: Շատ արագ խմելը կարող է ազդել ձեր շնչառության, սրտի զարկերի, մարմնի ջերմաստիճանի և փսխման ռեֆլեքսների վրա և կարող է հանգեցնել կոմայի և մահվան: Նման դեպքերում ձեր լյարդը չի հասցնում զտել ձեր արյունը ալկոհոլի ավելցուկից:

Ալկոհոլային թունավորում կարող է առաջանալ նաև այն դեպքում, երբ չափահասները կամ երեխաները պատահաբար կամ միտումնավոր խմում են կենցաղային ապրանքներ, որոնք ալկոհոլ են պարունակում:

Ալկոհոլից թունավորված անձը անհետաձգելի բուժօգնության կարիք ունի։ Եթե կասկածում եք, որ ինչ-որ մեկը ալկոհոլային թունավորում ունի, անմիջապես շտապ օգնություն կանչեք: