Մազաթափություն. կանխարգելում

Մազաթափություն. կանխարգելում

Ճաղատության դեպքերի մեծ մասը կապված է գեների հետ (արական և իգական տիպի ճաղատություն):

Մազաթափության այս տեսակը կանխարգելելի չէ:

Այնուամենայնիվ, կան որոշ միջոցներ, որոնք կարող են օգնել կանխարգելելի մազաթափությունից խուսափելուն:

  • Խնամքով և նուրբ վերաբերվել մազերին: Մազերը սանրելիս խուսափեք դրանց ձիգ քաշելուց, հատկապես, եթե մազերը թաց կամ խոնավ են: Լայն ատամիկներով սանրերը կարող են կանխել մազերի քաշումը: Խուսափեք մազերի «կոպիտ» խնամքի միջոցներից, օրինակ՝ մազերի արդուկ, խիստ տաք յուղեր և պերմանենտներ: Վարսահարդարման ընթացքում նաև խուսափեք մազերը քաշող կամ ձգող միջոցառումներից և պարագաներից:
  • Հարցրեք բժշկին, թե արդյոք ձեր օգտագործած դեղամիջոցները կամ հավելումները կարող են առաջացնել մազերի կորուստ:
  • Պաշտպանե՛ք մազերն արևի ճառագայթներից և ուլտրամանուշակագույն ճառագայթների այլ աղբյուրներից:
  • Դադարեցրե՛ք ծխելը, եթե ծխող եք: Որոշ հետազոտություններով ապացուցվել է տղամարդկանց շրջանում ծխելու և ճաղատության միջև կապվածությունը:
  • Եթե ստանում եք քիմիոթերապիա, հարցրեք բժշկին «հովացնող» գլխարկի անհրաժեշտության մասին: Այսպիսի գլխարկը կարող է նվազեցնել քիմիոթերապիային ուղեկցող մազաթափության ռիսկը:

Հոդվածը վերանայվել է՝ 17-06-2021