Գրադարան
Մազաթափություն (ալոպեցիա)
1 րոպե
Մազաթափությունը (ալոպեցիա) կարող է սահմանափակվել միայն գլխամաշկով կամ ընդգրկել ամբողջ մարմինը և լինել ժամանակավոր կամ մշտական:
Այն կարող է զարգանալ ժառանգականության, հորմոնային տեղաշարժերի, հիվանդությունների և առողջական խնդիրների պատճառով կամ որպես տարիքն առնելու բնականոն արդյունք: Յուրաքանչյուր ոք կարող է կորցնել իր գլխի մազերը, սակայն մազաթափությունն ավելի հաճախ հանդիպում է տղամարդկանց մոտ:
Ճաղատությունը սովորաբար վերաբերվում է գլխամաշկի մազերի զանգվածային կորստին: Տարիքի հետ ժառանգական մազաթափությունը ճաղատության ամենատարածված պատճառն է: Որոշ մարդիկ նախընտրում են համակերպվել մազաթափության հետ՝ չդիմելով որևէ բուժման կամ ճաղատացումը թաքցնող միջոցների: Մյուսները փորձում են հնարավորինս թաքցնել մազաթափությունը հատուկ ոճային վարսահարդարմամբ, գլխարկներով կամ կեղծամով: Եվ, կան մարդիկ, ովքեր փորձում են առկա բուժումներից մեկը՝ հետագա մազաթափությունը կանխելու կամ աճը վերականգնելու համար:
Նախքան մազաթափության բուժումը սկսելը զրուցեք ձեր բժշկի հետ ձեր մազաթափության պատճառի և բուժման տարբերակների մասին:
Հոդվածը տեղադրվել է՝ 19-03-2020 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
