Մազաթափություն. բուժում

Մազաթափություն. բուժում

Մազաթափության որոշ տեսակներ կարող են արդյունավետ բուժվել:

Ըստ իրավիճակի նաև հնարավոր է ետզարգացնել կամ առնվազն դանդաղեցնել մազերի կորուստը: Որոշ հիվանդությունների դեպքում, օրինակ՝ օջախային մազաթափության ժամանակ (alopecia areata) մեկ տարվա ընթացքում առանց բուժման մազերը կարող են կրկին աճել: Մազաթափության բուժումը ներառում է դեղամիջոցների ընդունումը և վիրահատությունը:

Դեղամիջոցներ

Եթե մազաթափությունն ունի որևէ պատճառային հիվանդություն, վերջինիս բուժումը դառնում է անհրաժեշտ պայման: Որևէ դեղամիջոցի օգտագործման հետ կապված մազաթափության դեպքում բժիշկը կարող է առաջարկել, որ հնարավորության դեպքում մի քանի ամիս դադարեցնեք տվյալ դեղի ընդունումը:

Գոյություն ունեն նաև ժառանգական ճաղատության բուժման դեղամիջոցներ:

  • Մինօքսիդիլ (Ռոգաին). Մինօքսիդիլը մատչելի է որպես հեղուկ, շամպուն կամ փրփուր: Զրուցեք բժշկի և մաշկաբանի հետ այս դեղամիջոցի տարբեր ձևերի օգտագործման ճիշտ մեթոդի, հնարավոր օգուտների և ռիսկերի մասին: Կողմնակի ազդեցություններից են գլխամաշկի գրգռումը և մազերի աճը դեմքի և ձեռքերի անցանկալի տեղերում:
  • Ֆինաստերիդ (Պրոպեցիա). այս դեղամիջոցը նշանակվում է տղամարդկանց, որպես ամենօրյա ներքին ընդունման (օրալ) հաբեր: Ֆինաստերիդ ընդունող բազմաթիվ մարդիկ նշում են մի քանի ամիս օգտագործելուց հետո մազաթափության դանդաղեցում: Այնուամենայնիվ, բուժման արդյունքների պահպանումը պահանջում է, որ դեղամիջոցը շարունակաբար օգտագործվի: Նկատի ունեցեք, որ դեղամիջոցը հավասարաչափ արդյունավետ չէ 60-ն անց բոլոր տղամարդկանց համար: Հազվադեպ հանդիպող կողմնակի ազդեցություններից են սեռական ցանկության նվազեցումը և շագանակագեղձի քաղցկեղի բարձրացած ռիսկը:
  • Այլ դեղամիջոցներ. ներքին օգտագործման (օրալ) այլ տարբերակներից են Սպիրոնոլակտոնը (Կարոսպիր, Ալդակտոն) և Դուաստերիդ (Ավոդարտ)։

Մազերի փոխպատվաստման վիրաբուժություն

Զրուցեք բժշկի հետ մազերի փոխպատվաստման մեթոդների, հնարավոր օգուտների և ռիսկերի մասին:

Լազերային բուժում

ԱՄՆ Սննդամթերքի և դեղամիջոցների գործակալությունը հաստատել է ցածր մակարդակի լազերային սարքերը որպես տղամարդկանց և կանանց ժառանգական մազաթափության բուժման տեսակ: Խիստ սակավաթիվ հետազոտություններ վկայում են, որ նման բուժումը բարելավում է մազերի խտությունը: Այնուամենայնիվ, լազերային բուժման երկարաժամկետ ազդեցության և արդյունքների վերաբերյալ անհրաժեշտ են լրացուցիչ ուսումնասիրություններ:

Հոդվածը վերանայվել է՝ 17-06-2021