Պատճառներ - Աորտայի անևրիզմա

Աորտան ձեր գլխավոր և ամենամեծ զարկերակն է, որն արյունը տեղափոխում է սրտից դեպի մյուս բոլոր շրջաններ:

Այն ունի մոտավորապես այգեգործական խողովակի հաստություն և ձգվում է սկսած կրծքավանդակի կենտրոնում գտնվող սրտից մինչև որովայնի խոռոչ:

Աորտայի անևրիզմաները կարող են առաջանել այս անոթի երկայնքով ցանկացած շրջանում, սակայն ավելի հաճախ հանդիպում են ստորին՝ որովայնային աորտայի վրա: Այսպիսի անևրիզմաները կոչվում են որովայնային աորտայի անևրիզմա:

Իմացե՛ք ավելին որովայնային աորտայի պատճառների մասին:

Շատ ավելի հազվադեպ անևրիզմա կարող է ձևավորվել աորտայի ավելի բարձր՝ կրծքավանդակային հատվածներում, որը կոչվում է կրծքային աորտայի անևրիզմա:

Իմացե՛ք ավելին կրծքային աորտայի պատճառների մասին:

Աորտայի վրա անևրիզման առաջանում է, երբ անոթի տվյալ հատվածի պատը թուլանում է և արյան ճնշումը հաղթահարելիս փքվում է դեպի դուրս: Աորտայի անևրիզմաները սովորաբար սկզբում փոքր են, սակայն բարձր ճնշման տակ աճելով կարող են հասնել մեծ չափերի: Աորտայի անևրիզման սովորաբար մեծանում է շատ դանդաղորեն: