Պատճառներ - Մարզիկի ոտնաթաթ

Ոտնաթաթի էպիդերմոֆիտիան կամ մարզիկի ոտնաթաթն առաջանում է նույն տեսակի սնկերի (դերմատոֆիտների) կողմից, որոնք առաջացնում են խուզող որքին (մկնատամ) և աճուկային էպիդերմոֆիտիա:

Խոնավ գուլպաներն ու կոշիկները, տաք ու խոնավ պայմանները նպաստում են սնկիկային օրգանիզմների աճին։

Մարզիկի ոտնաթաթը վարակիչ է և կարող է տարածվել վարակված անձի հետ շփման կամ վարակված մակերեսների հետ շփման արդյունքում, ինչպիսիք են սրբիչները, հատակը և կոշիկները: Դուք նաև կարող եք տարածել այն ոտքից մարմնի այլ մասեր, հատկապես, եթե քորում կամ դիպչում եք ձեր ոտքի վարակված մակերեսներին:

Ռիսկի գործոններ

Ձեզ մոտ մարզիկի ոտնաթաթի ռիսկը բարձրանում է, եթե՝

• հաճախակի եք հագնում փակ կոշիկներ
• ուժեղ քրտնում եք
• համատեղ օգտագործում եք գորգիկներ, գորգեր, անկողնային սպիտակեղեն, հագուստ կամ կոշիկներ սնկիկային վարակ ունեցողի հետ
• ոտաբոբիկ քայլում եք հանրային վայրերում, որտեղ վարակը կարող է հեշտությամբ տարածվել, օրինակ՝ հանդերձարաններ, սաունաներ, լողավազաններ, ընդհանուր լոգարաններ և ցնցուղներ։