Ախտանիշներ - Մարզիկի ոտնաթաթ

Ոտնաթաթի էպիդերմոֆիտիան կամ մարզիկի ոտքը կարող է առաջանալ մեկ կամ երկու ոտնաթաթերին:

Ընդհանուր գանգատներն ու ախտանիշներն են՝

• ոտքի մատների միջև թեփուկավորված, թեփոտված կամ ճաքած մաշկ
• քոր, հատկապես կոշիկները և գուլպաները հանելուց անմիջապես հետո
• բորբոքված մաշկ, որը կարող է ստանալ կարմրավուն, մանուշակագույն կամ մոխրագույն երանգ՝ կախված ձեր մաշկի գույնից
• այրոցի կամ ծակոցի զգացողություն
• բշտիկներ
• չոր, թեփուկավոր մաշկ ոտքի ստորին մակերեսին (ներբանին), որը տարածվում է դեպի վերև:

Ե՞րբ դիմել բժշկին

Եթե ձեր ոտնաթաթին ցան ունեք, որը չի բարելավվում սովորական հակասնկիկային միջոցներով տնային բուժումը սկսելուց երկու շաբաթվա ընթացքում, դիմեք ձեր բժշկին:

Եթե ունեք շաքարային դիաբետ, դիմեք ձեր բժշկին, եթե կասկածում եք, որ կարող եք ունենալ ոտնաթաթի սնկիկային վարակ: Նաև դիմեք ձեր բժշկին, եթե ունեք վարակի նշաններ՝ ախտահարված շրջանի այտուց, թարախային արտադրություն կամ ջերմություն: