Գրադարան
Բակտերիալ վագինոզ. պատճառներ
1 րոպե
Բակտերիալ վագինոզը առաջանում է ձեր հեշտոցում բնականում հայտնաբերվող մի քանի բակտերիաներից մեկի գերաճի պատճառով:
Սովորաբար «լավ» բակտերիաները (լակտոբացիլներ) գերազանցում են «վատ» բակտերիաներին (անաերոբներ): Սակայն, եթե չափազանց շատ անաէրոբ բակտերիաներ կան, դրանք խախտում են ձեր հեշտոցում միկրոօրգանիզմների բնական հավասարակշռությունը և առաջացնում բակտերիալ վագինոզ:
Ռիսկի գործոններ
Բակտերիալ վագինոզի ռիսկի գործոնները ներառում են հետևյալը:
- Բազմաթիվ սեռական զուգընկերներ կամ նոր սեռական զուգընկեր ունենալը. բժիշկները լիովին չեն հասկանում սեռական ակտիվության և բակտերիալ վագինոզի միջև կապը, սակայն այս վիճակն ավելի հաճախ հանդիպում է այն կանանց մոտ, ովքեր ունեն բազմաթիվ սեռական զուգընկերներ կամ նոր սեռական զուգընկերներ: Բակտերիալ վագինոզը նաև ավելի հաճախ է հանդիպում կանանց հետ սեռական հարաբերություն ունեցող կանանց մոտ:
- Հեշտոցի խոռոչի («ներքին») լվացումներ. ձեր հեշտոցը ջրով կամ մաքրող նյութով ողողելու պրակտիկան խախտում է հեշտոցում բակտերիաների բնական հավասարակշռությունը: Սա կարող է հանգեցնել անաէրոբ բակտերիաների գերաճի և առաջացնել բակտերիալ վագինոզ: Հեշտոցն ինքնամաքրվում է, ուստի լվացումն անհրաժեշտ չէ:
- Լակտոբացիլային բակտերիաների բնական պակաս. եթե ձեր բնական հեշտոցային միջավայրը բավարար քանակությամբ լավ լակտոբացիլներ չի առաջացնում, դուք ավելի հավանական է, որ ձեզ մոտ զարգանա բակտերիալ վագինոզ:
Հոդվածը տեղադրվել է՝ 25-05-2021 վերանայվել է՝ 08-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
