Ախտանիշներ - Բակտերիալ վագինոզ

Բակտերիալ վագինոզը, եթե առաջացնում է գանգատներ և ախտանիշներ, դրանք սովորաբար ունեն տեղային բնույթ:

Մասնավորապես, բակտերիալ վագինոզի գանգատներն ու ախտանիշները կարող են ներառել՝

• ջրիկ, մոխրագույն, սպիտակ կամ կանաչ հեշտոցային արտադրություն
• «ձկան» տհաճ հեշտոցային հոտ
• հեշտոցի քոր
• միզելիս այրոց:

Բակտերիալ վագինոզով շատ կանայք չունեն գանգատներ կամ ախտանիշներ:

Ե՞րբ դիմել բժշկին

Պայմանավորվեք ձեր բժշկի մոտ այց հետևյալ դեպքերում:

• Դուք ունեք հեշտոցային արտադրություն, որը նոր է և ուղեկցվում է տհաճ հեշտոցային հոտով կամ ջերմությամբ: Ձեր բժիշկը կարող է օգնել պարզելու պատճառը և գտնել ախտանիշները:
• Դուք նախկինում ունեցել եք հեշտոցային վարակներ, բայց ձեր արտադրությունների գույնն ու բնույթն այս անգամ տարբեր են թվում:
• Դուք ունեք բազմաթիվ սեռական զուգընկերներ կամ վերջերս՝ նոր զուգընկեր: Երբեմն սեռական ճանապարհով փոխանցվող վարակի գանգատներն ու ախտանիշները նման են բակտերիալ վագինոզի նշաններին:
• Դուք փորձում եք դեղատոմս չպահանջող դեղամիջոցներով ինքնուրույն բուժել խմորասնկիկային վարակը (հեշտոցային կանդիդոզ), բայց ձեր ախտանիշները պահպանվում են: