Պառկելախոցերը, հատկապես պատշաճ բուժումից և խնամքից դուրս մնալու պայմաններում, կարող են բերել տարբեր, այդ թվում՝ կյանքին սպառնացող բարդությունների:
- Ցելյուլիտ. սա մաշկի և հարակից փափուկ հյուսվածքների վարակային բորբոքում է, որը կարող է ընթանալ մաշկի ախտահարված շրջանի կարմրությամբ, տեղային տաքությամբ և այտուցվածությամբ: Նյարդային ախտահարմամբ մարդիկ կարող են և չզգալ ցելյուլիտով ախտահարված շրջանի ցավոտություն:
- Ոսկրային և հոդային վարակներ. ճնշման խոցից վարակը կարող է խորանել դեպի հոդեր և ոսկրեր: Հոդային վարակները (սեպտիկ արթրիտ) կարող են վնասել աճառները և հյուսվածքները: Ոսկրային վարակները (օստեոմիելիտ) կարող են նվազեցնել հոդերի և վերջույթների շարժունակությունը:
- Քաղցկեղ. երկարատև շարունակվող և չապաքինվող վերքերը (Մարջոլինի խոցեր) կարող են վերաճել մաշկի տափակբջջային կարցինոմայի:
- Սեպսիս. հազվադեպ մաշկային խոցերը կարող են հանգեցնել սեպսիսի:
Հոդվածը հրապարակվել է՝ 03-04-2021
Վերջին վերանայում՝ 23-04-2024