Գրադարան

Բելի պարալիզ. ախտանիշներ

Բելի պարալիզ. ախտանիշներ

Time Read 1 րոպե

Բելի կամ դիմային պարալիզի (պարալիչի) գանգատներն ու ախտանիշներն ի հայտ են գալիս հանկարծակի և կարող են ներառել հետևյալը՝

  • ձեր դեմքի մի կողմի թեթև թուլությունից (պարեզ) մինչև ամբողջական պարալիզի (պարալիչ) արագ սկիզբ՝ մի քանի ժամից մինչև օրերի ընթացքում
  • դեմքի մի կողմի, ներառյալ՝ աչքի կոպի անկում և դեմքի արտահայտություններ (դիմախաղ) կատարելու դժվարություն, ինչպիսիք են աչքը թարթելը կամ փակելը, ժպտալը կամ հոնքերը բարձրացնելը
  • բերանի կախված անկյունից թքահոսություն
  • ցավեր ախտահարված կողմի ծնոտի շուրջը կամ ականջի հետևում
  • ախտահարված կողմում ձայնի նկատմամբ բարձրացած զգայունություն (գերզգայունություն)
  • գլխացավ
  • համի զգացողության կորուստ
  • արցունքի կամ թքի արտադրության քանակի փոփոխություններ:

Հազվադեպ, Բելի պարալիզը կարող է ազդել դեմքի երկու կողմի նյարդերի վրա:

Ե՞րբ դիմել բժշկին

Անհապաղ դիմեք բուժօգնության, եթե ունեք որևէ տեսակի պարալիզ (պարալիչ), որը կարող է լինել ավելի ծանր վիճակ համարվող ինսուլտի նշաններից մեկը: Բելի պարալիզը ինսուլտի հետևանք չէ, սակայն կարող է ընթանալ ինսուլտին նմանվող ախտանիշներով:

Դիմեք ձեր բժշկին, եթե ունեք դեմքի թուլություն կամ կախվածություն՝ պարզելու ձեր ախտանիշների հիմքում ընկած պատճառն ու ծանրության աստիճանը:

Հոդվածը տեղադրվել է՝ 11-01-2024 վերանայվել է՝ 11-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով