Բելի պարեզը կամ պարալիչը մի վիճակ է, որն առաջացնում է դեմքի մի կողմի մկանների հանկարծակի թուլություն:
Շատ դեպքերում թուլությունը ժամանակավոր է և զգալիորեն բարելավվում է շաբաթների ընթացքում: Թուլության պատճառով դեմքի կեսը կարծես թե կախ ընկած կամ ծռված է: Ժպիտները միակողմանի են, իսկ տուժած կողմի աչքը դիմադրում է փակվելուն:
Բելի պարեզը նաև հայտնի է որպես անհայտ պատճառի սուր ծայրամասային դեմքի պարեզ: Այն կարող է առաջանալ ցանկացած տարիքում: Հստակ պատճառը հայտնի չէ։ Մասնագետները կարծում են, որ պատճառը դեմքի մի կողմի մկանները կառավարող նյարդի (դիմային կամ 7-րդ գանգուղեղային նյարդ) այտուցվածությունն ու բորբոքումն է, որը կարող է առաջանալ վիրուսային վարակից հետո առաջացող ռեակցիայի պատճառով:
Ախտանիշները սովորաբար սկսում են բարելավվել մի քանի շաբաթվա ընթացքում, իսկ ամբողջական վերականգնումը՝ մոտ վեց ամսից: Մարդկանց փոքր մասը շարունակում է մինչև կյանքի վերջն ունենալ Բելի պարեզի որոշ ախտանիշներ: Հազվադեպ, Բելի պարեզն առաջանում է ավելի քան մեկ անգամ:
Հոդվածը հրապարակվել է՝ 11-06-2019
Վերջին վերանայում՝ 06-04-2024