Գրադարան
Ոսկրի քաղցկեղ. ինքնօգնություն
1 րոպե
Քաղցկեղի ախտորոշումը կարող է դառնալ մեծ հիասթափության, ընկճվածության և բոլորից մեկուսացման պատճառ:
Սակայն, ժամանակի ընթացքում դուք աստիճանաբար կսովորեք, թե ինչը կարող է ձեզ օգնել, որ հաղթահարեք ձեզ պատած անորոշությունը և անհանգստությունը:
- Իմացեք ձեր հիվանդության մասին այն ամենը, ինչ թույլ կտա կայացնելու բուժման և այլ հարցերի հետ կապված ճիշտ որոշումներ. խնդրեք ձեր բժշկին, որ մանրամասն ներկայացնի ձեր հիվանդությունը, ինչպես նաև հարցրեք հետազոտությունների արդյունքների և բուժման տարբերակների, դրանց օգուտների և հնարավոր բարդությունների կամ ռիսկերի մասին: Գուցե ցանկանաք հետաքրքրվել նաև բժշկական կանխատեսումներով:
- Մի՛ հեռացեք ձեր ընտանիքի անդամներից ու ընկերներից. պահպանեք ձեր մտերմիկ փոխհարաբերությունները: Մտերիմ և կարեկից մարդիկ կարող են օգնել ամենատարբեր հարցերով: Նրանց հուզական օժանդակության շնորհիվ կարող եք ավելի հեշտությամբ հաղթահարել ընկճվածությունը:
- Կապ հաստատեք ձեր իրավիճակում հայտնված այլ մարդկանց հետ. նույն խնդիրներով մարդկանց միմյանց հետ կանոնավոր շփումները կարող են օգնել վախերի և անհանգստության մեղմացմանը, ինչպես նաև ցրել հուսալքությունը: Շփումներն ու զրույցները, այդ թվում՝ խորհրդատուի, սոցիալական աշխատողի կամ բուժանձնակազմի հետ ունեն դժվար պահերն ավելի հեշտությամբ դիմակայելու ունակություն:
Հոդվածը տեղադրվել է՝ 04-04-2021 վերանայվել է՝ 19-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
