Ախտանիշներ - Ոսկրային քաղցկեղ

Վաղ փուլերում ոսկրային քաղցկեղը կարող է որևէ ախտանիշ չառաջացնել:

Ոսկրային քաղցկեղի գանգատներն ու ախտանիշները ներառում են՝

• ոսկրային ցավ, որն ունի համառ բնույթ, ժամանակի ընթացքում հարաճուն ուժգնանում է և սովորաբար սաստկանում է գիշերները կամ ֆիզիկական ակտիվությունից հետո
• տուժած շրջանի մոտ այտուց և ցավոտություն
• թուլացած ոսկոր, որը հանգեցնում է կոտրվածքի (ախտաբանական կոտրվածք)
• հոգնածություն
• չնախատեսված քաշի կորուստ:

Յուինգի սարկոմայի կլինիկական պատկերը հիշեցնում է օստեոմիելիտ (ջերմություն, ախտահարված շրջանի մաշկի տեղային տաքություն, շոշափելիս ցավոտություն, վերջույթի շրջագծի մեծացում, երբեմն՝ տվյալ շրջանի մաշկի կարմրություն և ախտաբանական կոտրվածքներ):

Ե՞րբ դիմել բժշկին

Պայմանավորվեք և այցելեք բժշկին, եթե դուք ունեք կամ երեխայի մոտ ի հայտ են եկել ոսկրային ցավեր, որոնք՝

• սկսվում և անհետանում են
• սաստկանում են գիշերները
• չեն մեղմանում սովորական ցավազրկողներով: