Գրադարան

Աղիքային անանցանելիություն․ ախտորոշում

Աղիքային անանցանելիություն․ ախտորոշում

Time Read 1 րոպե

Աղիքային անանցանելիության կամ խցանման ախտորոշման գործընթացում բժիշկը սովորաբար կատարում է հետևյալ միջոցառումները:

  • Ձեզ հարցեր է տալիս՝ կապված ընդհանուր առողջական վիճակի և տվյալ պահին ձեզ անհանգստացող գանգատների մասին։
  • Շոշափում է ձեր որովայնը և ստետոսկոպով լսում է որովայնային ձայները։
  • Նշանակում է որոշ արյան թեստեր։
  • Նշանակում է որոշ գործիքային հետազոտություններ:

Աղիների խցանումն ախտորոշելիս սովորաբար նշանակվում են հետևյալ հետազոտությունները:

  • Ռենտգեն հետազոտություն․ աղիքային խցանման ախտորոշումը հաստատելու համար ձեր բժիշկը կարող է խորհուրդ տալ որովայնային ռենտգեն: Այնուամենայնիվ, ստանդարտ ռենտգեն պատկերում որոշ աղիքային խցանումներ կարող են չերևալ:
  • Համակարգչային տոմոգրաֆիա (ԿՏ). ԿՏ սքանավորումը միավորում է տարբեր անկյուններից կատարված մի շարք ռենտգենյան հետազոտություններ՝ ստանալու խաչաձև հատված պատկերներ (շերտագրեր): Այս շերտագրերն ավելի մանրամասն են ներկայացնում որովայնի խոռոչի օրգանները, այդ թվում՝ աղիքները, քան սովորական ռենտգենը:
  • Գերձայնային հետազոտություն (որովայնային սոնոգրաֆիա). երբ աղիքային խցանում է առաջացել երեխաների մոտ, գերձայնային հետազոտությունը հաճախ նախընտրելի է: Ինվագինացիա ունեցող երեխաների մոտ գերձայնային հետազոտությունը կարող է ցույց տալ «ցուլի աչքը», որը ներկայացնում է աղիքների մեջ ոլորված աղիքները:
  • Օդային կամ բարիումային հոգնա. օդային կամ բարիումային հոգնան (կլիզման) թույլ է տալիս ստանալ հաստ աղիքի ուժեղացված պատկերներ: Սա կարող է նշանակվել աղիքների խցանման որոշակի կասկածելի պատճառների հայտնաբերման համար: Միջոցառման ընթացքում բժիշկը ձեր ուղիղ աղիքով օդ կամ հեղուկ բարիում է ներմուծում հաստ աղիք: Երեխաների մոտ ինվագինացիայի դեպքում օդային կամ բարիումային հոգնան նաև կարող է շտկել խնդիրը՝ վերացնելով հետագա բուժման անհրաժեշտությունը:

Հոդվածը տեղադրվել է՝ 06-12-2023 վերանայվել է՝ 07-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով