Բրադիկարդիան կամ հազվասրտությունը դանդաղած սրտազարկ է:
Հանգստի ժամանակ չափահասների սիրտը սովորաբար կծյվում է րոպեում 60-ից 100 անգամ: Եթե ունեք բրադիկարդիա, ձեր սիրտը բաբախում է րոպեում 60 անգամից քիչ:
Բրադիկարդիան կարող է լուրջ խնդիր լինել, եթե սրտազարկը շատ դանդաղ է, և սիրտը չի կարողանում թթվածնով հարուստ արյուն մղել օրգանիզմ: Եթե դա տեղի ունենա, դուք կարող եք զգալ գլխապտույտ, խիստ հոգնածություն կամ թուլություն և շնչարգելություն ու հևոց: Երբեմն բրադիկարդիան չի առաջացնում ախտանիշներ կամ բարդություններ:
Դանդաղած սրտի ռիթմը միշտ չէ, որ մտահոգիչ է: Օրինակ, հանգստի ժամանակ րոպեում 40-ից 60 զարկերի հաճախականությունը բավականին տարածված է քնի ժամանակ և որոշ մարդկանց, հատկապես առողջ երիտասարդների և մարզիկների մոտ:
Եթե բրադիկարդիան ծանր է, կարող է անհրաժեշտ լինել արհեստական ռիթմավար, որը կօգնի սրտին պահպանել համարժեք հաճախականություն:
Հոդվածը հրապարակվել է՝ 09-05-2018
Վերջին վերանայում՝ 06-04-2024