Խոլեցիստիտն առաջանում է, երբ լեղապարկը բորբոքվում է:
Լեղապարկի բորբոքում կարող է զարգանալ մի շարք պատճառներով:
- Լեղապարկի քարեր. առավել հաճախ խոլեցիստիտ զարգանում է լեղապարկում ձևավորվող պինդ մասնիկների պատճառով (լեղապարկի քարեր): Լեղապարկի քարերը կարող են խցանել այն խողովակը, որով լեղին հեռանում է լեղապարկից (պարկային լեղածորան): Կուտակվելով լեղապարկում, անշարժ վիճակում հայտնված լեղին սկսում է խտանալ, ինչպես նաև բարձրացնել լեղապարկում ճնշումը: Խտացած լեղին, ներպարկային ճնշումը և երբեմն բակտերիալ վարակը վնասում են լեղապարկի պատը՝ հանգեցնելով լեղապարկի բորբոքման և այտուցի: Ավելի քան 90% դեպքերում սուր խոլեցիստիտը պարկային լեղածորանի քարով խցանման հետևանք է:
- Ուռուցք. ուռուցքը կարող է խոչընդոտել լեղապարկից լեղու նորմալ արտահոսքը և առաջացնել լեղու կուտակում (կանգ), որն էլ հանգեցնի խոլեցիստիտի:
- Լեղածորանի խցանում. լեղային ծորանների ծռումը կամ սպիացումը կարող է առաջացնել խցանում, որն էլ հանգեցնի լեղու կանգի և խոլեցիստիտի:
- Վարակ. ՄԻԱՎ-ը և այլ վիրուսային վարակները կարող են նպաստել լեղապարկի բորբոքմանը:
- Արյունատար անոթների խնդիրներ. ծայրահեղ ծանր վիճակները կարող են վնասել արյունատար անոթները և կրճատել լեղապարկի արյան հոսքը՝ պատճառելով խոլեցիստիտ:
Ռիսկի գործոններ
Լեղապարկում քարերի առկայությունը խոլեցիստիտի զարգացման գլխավոր ռիսկի գործոնն է:
Հոդվածը հրապարակվել է՝ 06-05-2020
Վերջին վերանայում՝ 29-05-2024